
Аймгийн хүн амын 2025 оны хаврын улирлын хүнсний хэрэгцээнд 200 тонн нөөцийн мах бэлтгэсэн байна.
Энэ сарын 15-наас Баян-Өндөр суманд 29, Жаргалант суманд 2 нийт 31 цэгээр худалдан борлуулахаар бэтгэл хангажээ. ХХААГ, Мал эмнэлгийн газар, ЗДТГ-ын холбогдох албаны хүмүүсээс бүрдсэн ажлын баг “Эрдмийт” ХХК-ийн нөөцийн мах бэлтгэлийн явц, бэлтгэл ажилтай танилцжээ.
Нөөцийн мах бэлтгэлийн сонгон шалгаруулалтад гурван аж ахуйн нэгж оролцсоноос “Эрдмийт” ХХК шалгарч, 100 тонн үхрийн мах, 90 тонн хонины мах, 10 тонн ямааны мах бэлтгэсэн байна. Үнийн хувьд үхрийн мах 12300 төгрөг, хонины мах 10300 төгрөг, ямааны махыг 8300 төгрөгөөр худалдана. Зургаадугаар сарын 15-ны өдөр хүртэл нөөцийн махыг зах зээлд нийлүүлэх юм.


Эх сурвалж: Монцамэ агентлаг
Эх