Арабика сортын кофены биржийн үнэ мягмар гарагт түүхэн дээд түвшинд хүрч, нэг тонн нь 7900 ам.долларыг давжээ.
Мягмар гаргийн арилжаа дуусах мөчид уг кофены гуравдугаар сард нийлүүлэх гэрээний үнэ 2.43 хувиар өсөж, 3.577 ам.доллар /нэг тонн 7886 ам.доллар/ болсон бол арилжааны явцад нэг фунт нь 3.5875 ам.доллар буюу тонн нь 7909 орчим ам.долларт хүрч өссөн байна.
Арабика кофены үнэ он гарснаас хойш 10 гаруй хувиар өсжээ. Өнгөрсөн оны 12 дугаар сард уг сортын үнэ ерөнхийдөө тогтвортой байсан бол 11 дүгээр сард 30 хувиар өсөж, нэг тонн нь 7000 ам.долларыг давж байв. Кофены үнэ 2024 онд 1.7 дахин өссөн байна.
Робуста сортын кофены гуравдугаар сарын фьючерс үнэ мягмар гарагт 1.56 хувиар өсөж, тонн нь 5545 ам.доллароор арилжаалагджээ.
Эх сурвалж: https://montsame.mn/mn/read/360791
