Дорноговь аймгийн төв Сайншанд суманд мах ямар үнэтэй байгааг хүргэе.
Худалдааны лангуу дээр нэг кг үхрийн мах 19000 төгрөгийн үнэтэй байгаа нь өмнөх долоо хоногийн үнээс 1.3 хувиар өссөн байгааг аймгийн Статистикийн хэлтсээс мэдээллээ. Харин нэг кг хонины мах 12600 төгрөг, нэг кг ямааны мах 9800 төгрөг байгаа нь өмнөх долоо хоногоос 1.7-2.7 хувийн өсөлттэй байгаа юм.
Дорноговь аймаг зүүн талаараа Сүхбаатар аймгийн Баяндэлгэр, хойд талаар Хэнтий аймгийн Гал шар, баруун урд талаар Өмнөговь аймгийн Ханбогд, баруун талаараа Дундговь аймгийн Өндөршил сумтай хиллэдэг бөгөөд ялангуяа наймаачид Сүхбаатар аймгаас бог малын махыг Сайншанд орчимд өргөнөөр худалддаг байна.
Махны үнэ өсөж байгаа нь малын тоо толгой өмнөхөөсөө буурсан, нийлүүлэлт багассан зэрэг олон хүчин зүйлсээс нөлөөлж байгааг худалдаачид ярилаа.
Эх сурвалж: https://www.montsame.mn/mn/read/360966
