Монгол Улсын Ерөнхийлөгчийн Бүгд Найрамдах Чех Улсад хийсэн төрийн айлчлалын хүрээнд албан ёсны хэлэлцээ хийж, харилцааг нийгэм, эдийн засгийн олон салбарт өргөжүүлэн хөгжүүлэх, харилцааны бэлгэ тэмдэг болохуйц харилцан ашигтай төсөл, хөтөлбөр хэрэгжүүлэхэд хамтран ажиллахаа илэрхийлсэн.

Айлчлалын үр дүнгээс:

• Уламжлалт найрсаг харилцаа, хамтын ажиллагааны түвшнийг шат ахиулж, Иж бүрэн түншлэлийн түвшинд хүргэлээ.
• “Хархорум”, “Шинэ Зуунмод” хотын бүтээн байгуулалт, дэд бүтэц, нийтийн тээвэрт хөрөнгө оруулалт татна.
• Чехэд амьдарч байгаа 14 гаруй мянган иргэнийхээ эрх ашгийг хамгаалах чиглэлээр илүү нягт хамтарч ажиллахаар тохиролцлоо.
• ”Илгээлт-2100” тэтгэлэгт хөтөлбөрт тэнцсэн оюутнууд Чехийн их, дээд сургуульд суралцах боломжийг улам бүр нэмэгдүүлэв.
• “Алсын хараа-2050”-ыг Чехийн “Стратегийн төлөвлөгөө-2030” хөгжлийн бодлоготой уялдуулна.
• “Тэрбум мод” хөдөлгөөн болон Европын Холбооны “Ойн түншлэл”ийн хүрээнд хамтран ажиллана.
• “Хүнсний хувьсгал”, “Цагаан алт” хөдөлгөөний хүрээнд идэвхтэй хамтран ажиллаж, Хүнс, хөдөө аж ахуй, газар тариалангийн салбарт дэвшилтэт техник, тоног төхөөрөмж нэвтрүүлнэ.
• Малын гаралтай түүхий эд, бүтээгдэхүүнийг Европын зах зээлд гаргана.
• Түүх, соёлын үнэт зүйлээ сурталчилж, “Чингис хаан” үзэсгэлэнг Чехийн үндэсний музейд нээлээ.
• Палеонтологийн олон улсын үзэсгэлэн хамтран зохион байгуулахаар тохиролцлоо.
• МОНГОЛЫН САЙХАН ОРОН Морин хуурын найрал хөгжмийн тоглолтыг Прагийн шилтгээнд толилууллаа.