Хаврын улиралд хүний дархлаа хамгийн ихээр унадаг. Дархлаа муутай хүн аливаа өвчинд мэдрэмтгий болох, хурдан өвчлөх, өвчилсөн тохиолдол удаан эдгэх сөрөг нөлөөтэй. Ялангуяа коронавируст цар тахал хурдацтай тархаж байгаа энэ үед дархлаатай сайтай байх нь хамгийн чухал гэдгийг эмч нар зөвлөж байгаа юм. Тиймээс дархлаагаа дэмжих хялбар аргыг хүргэж байна.
Амин дэм ихтэй хоол хэрэглэ
Шим тэжээлийн дутагдалд орсон хүмүүс өвчин, эмгэгт нэрвэгдэх магадлал өндөр. Тиймээс эрүүл дархлааны системтэй байхын тулд бие организмыг чанартай шим тэжээлээр тэтгэх шаардлагатай. Түүнчлэн биед шаардлагатай амин дэм хэрэглэх нь дархлаа дэмжих нэг арга юм.
Нойрыг юугаар ч битгий соль
Дутуу нойртой явснаар бие организм бүрэн гүйцэд эрч хүчээ сэлбэж чадалгүй ядарч сульдан, өвдөх эрсдэлтэй. Харин сайн унтаж амрах үед гаднын биетэй тэмцдэг дархлааны эс ялгардаг болохыг эрдэмтэд тогтоожээ. Тиймээс өдөрт найман цаг унтаж, амрах хэрэгтэй.
Тогтмол дасгал хөдөлгөөн хийгээрэй
Дасгал хийснээр бодисын солилцоо, зүрх судасны үйл ажиллагаа сайжирч дархлаа дэмжигддэг. Мөн зохистой хэмжээнд дасгал хөдөлгөөн хийснээр нян, вирустэй тэмцдэг цагаан эсийн тоо нэмэгддэг байна.
Тайван байх
Сэтгэл санаа тогтворгүй болж, стресст автахад ходоод хямарч, зүрх судас өвчилдөг. Түүнчлэн стресст орсноор кортизол (стрессийн даавар) ялгардаг байна. Харин чин сэтгэлээсээ инээхэд стрессийн гормон кортизолыг багасгаж, “аз жаргалын” гормон ялгардаг байна.
Бүлээн ус, цай сайн уух
Хаврын улиралд хүйтэн ус уух нь дархлааны системийг ихээр алдагдуулж, өвчлөмтгий болгодог. Иймд төрөл бүрийн шимтэй бүлээн ургамлын цайнуудыг уух хэрэгтэй.
