Цагаан идээ нь хоол боловсруулахад чухал үүрэгтэй кальци, уургаар баялаг байдгаас гадна цөс өвчлөх үед ходоодны хүчил шүлтлэгийн баланс, хүчил ихдэх тал руу алдагдсаныг тэнцвэржүүлж өгдөг.
Сүү: Хавдрын дараах үеийн хүндрэл болох химийн туяагаар эмчлүүлж, хордсон үед түүний хорыг гадагшлуулахад сүү хамгийн тустай.
Байгалийн гаралтай, тэжээллэг сүү нь кальци, Д витамин, яс, шүдийг сийрэгжихээс сэргийлдэг фосфор болон цусны эргэлтийг сайжруулах тэжээллэг бодис ихээр агуулдаг. Тэгэхээр бусад бүх ундааны дэргэд сүү бол эрүүл, байгалийн гаралтай ундаа. Сүү үе мөч, ясны сийрэгжилтийн эсрэг маш сайн бүтээгдэхүүн болдог байна.
Тараг: Тараг, айраг зэрэг исгэлэн бүтээгдэхүүн нь ялзруулагч нянгийн үйл ажиллагааг саатуулах үйлчилгээтэй байдаг учир эмчилгээ, сувиллын зориулалтаар өргөн хэрэглэдэг.
Биед тустай бичил биетийн нөлөөгөөр хүний биед нэн хэрэгцээтэй олон төрлийн биологийн идэвхт бодис үүний дотор амин дэм, пептид, амин хүчил, глюкоз, лактулоз зэрэг бодис тарагт бий болдог. Тараг нь яс бэхжүүлэх, хоол шингээх, нойр хүргэх зэрэг олон талын ач холбогдолтой цагаан идээ юм. Тараг нь шингэцээрээ сүүнээс илүү сайн байдаг (Нэг цагийн дараа тарагны шингэц 91%, сүү 32%).
Айраг: Айраг нь С аминдэмээр баялаг. Ходоодны илчлэгийг үүсгэн хоолны шингэцийг сайжруулдаг ба дэлүүний өвчин, элэг, цөсний өвчинд сайн. Эрт үеэс уушгины хатгаа, сүрьеэ, зүрхний даралт ихсэх, усан хаван, хөл, нурууны өвчинд хэрэглэж иржээ.
Ааруул: Амтлаг, исгэлэн, тосны зүйл их агуулсан тул шим тэжээл сайтай, биеийн хорыг тайлж тамиржуулах үйлдэлтэй. Буцалсан ус болон хар цайнд хийж, шүүсийг нь уухад элэг, цөсний өвчин, цус хөөрөх, толгой өвдөхөд тустай.
Аарц: Сүүний хүчил нь найрлагадаа хүний биед үүсэж бий болдоггүй, орлуулшгүй амин хүчлүүд бүхий уураг, эрдэс бодис, олон тооны бичил элемент агуулсан учир маш чухал ач холбогдолтой. Сүрьеэ өвчтэй, цусны даралт нь ихэсдэг, зүрх судасны өвчтэй хүмүүс болон жирэмсэн эхчүүд, хөхүүл, бага насны хүүхдүүд түлхүү хэрэглэх хэрэгтэй.
