Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр Баянхонгор аймгийн Баянхонгор суманд баригдсан хүлэмжийн аж ахуйд ажиллаж, Аймгийн Хөгжлийн бодлого төлөвлөлт, хөрөнгө оруулалтын хэлтсийн дарга Г.Энхбаяр хүлэмжийн үйл ажиллагаатай танилцууллаа. 

50х8 метр хэмжээтэй, нарны эрчим хүчээр ажилладаг өвлийн хоёр хүлэмж, зуны 100 хүлэмжид нутгийн иргэд өргөст хэмх, улаан лооль, салат навч зэргийг тариалж, хураасан ургацаа нутгийн зах худалдааны төвүүдэд борлуулдаг байна.

Нийт 3.6 га талбайг ашиглан хүлэмж, гүн өрмийн худаг хоёр, стандарт жорлон, хогийн сав, таван тоннын дөрвөн ширхэг усны нөөцийн сав байршуулж, 380 вольтын 300 метр цахилгаан шугам сүлжээ оруулан, хамгаалах хашааг тавьж тухайн бүсэд ажиллах иргэдийг бүрэн боломжоор хангасан байна.

Уг хүлэмжид ямар ч хүнсний ногоо тариалж болохоос гадна нэг удаадаа 432 кг ногоо хурааж авах бололцоотойг албаныхан хэлж байна.

Ингэснээр Баянхонгор аймгийнхан төдийгүй зэргэлдээх аймгийн иргэдийг өвөл, намартаа шинэ ногоогоор хангах боломж бүрджээ.