Монгол Улсын Засгийн газрын 2025 оны 01 дүгээр сарын 14-ний өдрийн хуралдааны 03 дугаар тэмдэглэл, 2025 оны 01 дүгээр сарын 22-ны өдрийн хуралдааны 05 дугаар тэмдэглэл, Бүсчилсэн хөгжлийн Үндэсний хорооны 2025 оны 02 дугаар сарын 03-ны өдрийн 01 дүгээр тогтоол, Монгол Улсын Засгийн газрын 2025 оны 03 дугаар сарын 06-ны өдрийн хуралдаанаар “Бүсийн зөвлөлийн хуралдааныг бүс бүрд зохион байгуулж, бүсүүдийн хөгжлийн ерөнхий төлөвлөгөө боловсруулах, бүс тус бүрд шаардлагатай мега төслийг танилцуулж, хэлэлцүүлэх шийдвэр гарсан билээ.
Энэ хүрээнд “Хангайн бүсийн зөвлөл” анхдугаар хуралдаан 2025 оны 04 дүгээр сарын 14-ний өдөр Архангай аймгийн “Ара Арена” цогцолборт болох юм. Хуралдаанд: Бүсээс сонгогдсон Улсын Их Хурлын гишүүд, Засгийн газрын гишүүд, төрийн захиргааны байгууллагууд, Хангайн бүсийн аймаг, сумдын удирдлага, хувийн хэвшил, олон улсын байгууллага, мэргэжлийн холбоод, эрдэмтэн, судлаачид, иргэдийн төлөөлөл оролцоно.
“Хангайн бүсийн зөвлөл” анхдугаар хуралдааны үеэр таван сэдвээр салбар хуралдаанууд зохион байгуулагдах бөгөөд ирэх 4 жилд хэрэгжих боломжтой бүсийн чанартай хөрөнгө оруулалтын төслүүдийг орон нутгийн иргэд, хөрөнгө оруулагчдад танилцуулж, санал, дүгнэлтийг хэлэлцүүлэх юм.
Бүсийн онцлог, харьцуулалт хэлэлцүүлэгт модератор, панелистаар оролцох гишүүд:
Модератор:
- Ч.Даваабаяр– Ерөнхийлөгчийн Үйлдвэр, үйлчилгээний бодлогын зөвлөх
Панелист:
- Г.Тэмүүлэн– УИХ-ын гишүүн
- П.Гомбодорж– Архангай аймгийн ИТХ-ын дарга
- С.Батбаатар– Стандарт хэмжилзүйн газрын дарга
- Д.Мөнхжаргал– Баянхонгор аймгийн Жаргалант сумын ИТХ-ын дарга
- Н.Эрдэнэ-очир– ШУА-ийн Археологийн хүрээлэнгийн Инновац, хамтын ажиллагааны салбарын эрхлэгч, доктор
- Ө.Амгалан– МУИС-ийн Хот ба бүс нутгийн хөгжлийн хүрээлэнгийн эрдэмтэн, нарийн бичгийн дарга
