Монгол Улсын Ерөнхийлөгчийн санаачилсан “Хүнсний хувьсгал” үндэсний хөдөлгөөн “Бүсчилсэн хөгжлийн бодлого”-той уялдаж, идэвхтэй хамтран ажиллаж байна. Энэ хүрээнд хөгжлийн тулгамдсан асуудлыг хурдтай шийдвэрлэх “Бүсийн зөвлөлийн анхдугаар хуралдаан”-д Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр оролцож байна. Хангайн бүсээс эхэлж буй бүсийн зөвлөлийн анхдугаар хуралдааны үеэр “Бүсийн онцлог, харьцуулалт” сэдэвт хэлэлцүүлэг өрнөх бөгөөд тус хэлэлцүүлэгт:
Модератор:
- Ч.Даваабаяр– Ерөнхийлөгчийн Үйлдвэр, үйлчилгээний бодлогын зөвлөх
Панелист:
- Б.Батцэцэг– УИХ-ын гишүүн, Гадаад харилцааны сайд
Г.Тэмүүлэн– УИХ-ын гишүүн - П.Гомбодорж– Архангай аймгийн ИТХ-ын дарга
- Д.Мөнхжаргал– Баянхонгор аймгийн Жаргалант сумын ИТХ-ын дарга
- Н.Эрдэнэ-очир– ШУА-ийн Археологийн хүрээлэнгийн Инновац, хамтын ажиллагааны салбарын эрхлэгч, доктор
- Ө.Амгалан– МУИС-ийн Хот ба бүс нутгийн хөгжлийн хүрээлэнгийн эрдэмтэн, нарийн бичгийн дарга
нарын албаныхан оролцоно.
Хангайн бүсийн хувьд байгалийн баялаг, унаган нөхцөл сайн, усны нөөц арвин, газар тариаланд тохиромжтой бөгөөд экспортын баримжаатай органик хүнсний үйлдвэрлэлийн кластер байгуулж, хөгжүүлэх боломжтой гэж хөгжлийн чиглэлийг тодорхойлжээ.
