Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр Орхон аймгийн Баян-Өндөр суманд “Хүнсний хангамж, аюулгүй байдал” үндэсний хөдөлгөөний хүрээнд аймагтаа хиам, махан бүтээгдэхүүн үйлдвэрлэгч “Орхон Энх бүтэмж” ХХК-ийн үйл ажиллагаатай танилцлаа.
Тус үйлдвэр нь 20-30 нэр төрлийн эрүүл ахуйн шаардлага хангасан хиам, утсан мах зэргийг үйлдвэрлэж, Орхон аймагтаа болон Булган аймгийн зарим сумд, Мөрөн хотод бүтээгдэхүүнээ түгээж байна. Ингэхдээ түүхий эдээ баталгаат газраас шинээр нь авч, эрүүл хүнсээр бүтээгдэхүүнээ үйлдвэрлэдэг юм.
“Орхон Энх бүтэмж” ХХК-ийн менежер Г.Энхцэцэг:
“Хүнсний хувьсгал” хөдөлгөөн орон нутагт хүнс үйлдвэрлэгчдийг бодлогоор дэмжин урамшуулж байгаа нь жижиг дунд үйлдвэрлэгчдэд өндөр өгөөж өгсөн үр дүнтэй ажил болж байна.
“Орхон Энх бүтэмж” ХХК нь “Хүнсний хангамж, аюулгүй байдал” үндэсний хөдөлгөөний хүрээнд олгож буй хөнгөлөлттэй зээлд хамрагдаж үйлдвэрийн байраа шинэчлэн барьж буй бөгөөд эрүүл ахуйн ахуйн шаардлага хангасан 288 мкв бүхий талбайтай шинэ үйлдвэрийн өргөтгөлийн ажлаа хийж байна.
Мөн 20 гаруй хүнийг ажлын байраар хангахаас гадна, жилд 100 тонн мах, махан бүтээгдэхүүн үйлдвэрлэж зах, худалдааны төвүүдэд борлуулж байгаа юм. Цаашид 100 хувь хүний оролцоогүй бүрэн ухаалаг тоног төхөөрөмжийг суурьлуулан шинэчлэлт хийхээр төлөвлөж байна.
