Бид яагаад өдөр бүр сүү уух ёстой вэ? “Махыг сүү орлож чадна. Жимсийг ч сүү орлож чадна. Гэхдээ сүүг юу ч орлож чадахгүй” гэж хоол зүйчид зөвлөдөг.
1. Шүдний хорхойтлоос сэргийлнэ
Сүү нь кальцийн хамгийн баялаг эх үүсвэр. Хөхнөөс гарсан хүүхдэдээ ч өдөр бүр сүү уулгавал шүдний ургалт, бэхжилтийг нь дэмжих бөгөөд хорхой идэхээс хамгаалдаг.
2. Арьсыг гэрэлтүүлнэ
Сүүний найрлаганд агуулагдах амин дэм, эрдэс бодисууд нь арьсны эрүүл чанарыг тэтгэж, зөөлөн, чийглэг, гэрэлтсэн болгодог.3. 3.Хүүхдийн өсөлтийг дэмжинэ

Ясыг нь дэмжиж байж хүүхэд сайн өсдөг. Өдрөөр биш цагаар өсөж яваа үрдээ өдөр бүр аяга сүү уулгаснаар чацархаг, чанга биетэй болох болно. Мөн насанд хүрэгсэд ч өдөр бүр аяга сүү ууснаараа үе мөчний өвчнөөс урьдчилан сэргийлэх боломжтой.

Хүн хоол хүнснээсээ хангалттай хэмжээгээр кальци хэрэглэхгүй бол бие махбод бусад гол эд эрхтнүүдийн үйл ажиллагаанд хэрэгцээтэй кальцийг яснаас шууд авч эхэлдэг. Хоногийн хоол тэжээлийн физиологийн нормд хоол хүнсээр авах кальцийн хэмжээг 800-1300 мг гэж заасан. Энэ нь 2-3 аяга сүү, сүүн бүтээгдэхүүнд агуулагдах хэмжээ юм