Монгол Улсын ерөнхийлөгч У.Хүрэлсүхийн санаачилгаар орон даяар хэрэгжиж буй “Хүнсний хангамж, аюулгүй байдал” үндэсний хөдөлгөөний хүрээнд УИХ-аас 36-р тогтоолыг батлан гаргасан. Тус тогтоолыг хэрэгжүүлэх арга хэмжээ, үйл ажиллагааны төлөвлөгөөг Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр Нийслэлийн Засаг даргын тамгын газарт танилцууллаа.

Тус уулзалтад Нийслэлийн Засаг даргын тамгын газрыг төлөөлөн:

• Хүнс, хөдөө аж ахуй, худалдаа, хоол үйлдвэрлэлийн асуудал хариуцсан ахлах мэргэжилтэн Д.Эрдэнэцэцэг
• Хүнсний үйлдвэрлэлийн асуудал хариуцсан Т.Буянхишиг
• Хоол үйлдвэрлэл, үйлчилгээний асуудал хариуцсан мэргэжилтэн Я.Бадмаа
• Хөдөө аж ахуйн асуудал хариуцсан мэргэжилтэн Г.Тэмүүжин
• Худалдаа, үйлчилгээний асуудал хариуцсан мэргэжилтэн Н.Бумцэнд

Хүнсний төсөл, хөтөлбөр хариуцсан албыг төлөөлөн:

• Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр
• Хүнсний төсөл, хөтөлбөр хариуцсан албаны ахлах референт н.Цэвээндорж
• Хүнсний төсөл, хөтөлбөр хариуцсан албаны референт О.Дамдиндулам
• Хүнсний төсөл, хөтөлбөр хариуцсан албаны хэвлэлийн ажилтан Б.Сэржмядаг нар оролцлоо.

Монгол Улсын нийслэл Улаанбаатар хотод хүн амын дийлэнх хувь нь амьдардаг. Иймд НЗДТГ-аас бодлогын хүрээнд хүнсний аюулгүй байдалд анхаарах шаардлагатай. Энэ хүрээнд эрх зүйн орчныг сайжруулан, үйлдвэрлэл, үйлчилгээг хөгжүүлэн, тусгай зөвшөөрлийг цахимжуулахаар төлөвлөж байна.