Монгол Улсын Ерөнхийлөгч Ухнаагийн Хүрэлсүх “Хүнсний хангамж, аюулгүй байдал” хөдөлгөөний хүрээнд 5 зорилт, 42 үйл ажиллагааны чиглэл, 114 хэрэгжүүлэх арга хэмжээнээс бүрдэх 36-р тогтоолыг УИХ-аас баталсан.
Тус тогтоолыг хэрэгжүүлэхэд 24 төрийн байгууллагатай хамтарч ажиллах шаардлагатай бөгөөд Ерөнхийлөгчийн үйлдвэр, үйлчилгээний бодлогын зөвлөх Ч.Даваабаяр дээрх газруудад тогтоолыг хэрэгжүүлэх арга хэмжээний хөтөлбөрийг танилцуулсан. Энэ хүрээнд Хүнсний аюулгүй байдлын үндэсний лавлагаа лабораторийн удирдлагуудтай уулзлаа.
Тус уулзалтад Хүнсний аюулгүй байдлын үндэсний лавлагаа лабораторийг төлөөлөн:
- Хүнсний аюулгүй байдлын үндэсний лавлагаа лабораторийн Ерөнхий захирал Б.Амар
- Хүнсний аюулгүй байдлын үндэсний лавлагаа лабораторийн Цацрагийн хяналтын лабораторийн эрхлэгч Х.Идэрмөнх
- Хүнсний аюулгүй байдлын үндэсний лавлагаа лабораторийн Техникийн инженер Б.Арвинтулга
- Хүнсний аюулгүй байдлын үндэсний лавлагаа лабораторийн Чанарын менежер Ц.Шүр зэрэг 10 гаруй төлөөлөгч оролцсон бол
“Хүнсний хангамж, аюулгүй байдал” үндэсний хөдөлгөөний ажлын хэсгийг төлөөлөн:
- Монгол Улсын Ерөнхийлөгчийн үйлдвэр үйлчилгээний бодлогын зөвлөх Ч.Даваабаяр
- Хүнсний төсөл, хөтөлбөр хариуцсан албаны Ахлах референт Д.Цэвээндорж
- Хүнсний төсөл, хөтөлбөр хариуцсан албаны референт О.Дамдиндулам
- Хүнсний төсөл, хөтөлбөр хариуцсан албаны Гадаад харилцааны мэргэжилтэн Р.Будмаа
- Хүнсний төсөл, хөтөлбөр хариуцсан албаны Хэвлэлийн ажилтан Б.Урантуяа нар оролцлоо.
Хүнсний аюулгүй байдлын Үндэсний лавлагаа лаборатори нь Монгол Улсын хяналтын байгууллагуудын нэгдсэн анхны лаборатори бөгөөд экспорт, импорт, эх орны үйлдвэрийн бүх төрлийн хүнс, эм ахуйн болон гоо сайхны бүтээгдэхүүн, ургамал, ургамлаас гаралтай түүхий эд, хөрс, усанд хяналтын баталгаажуулах шинжилгээг хийх, аймаг, нийслэл хилийн боомтын лабораториудыг мэргэжил арга зүйн удирдлагаар хангах үүрэг бүхий тэргүүлэх чиглэлтэй үндэсний лавлагаа лаборатори юм.
Иргэд хүнсний аюулгүй байдалтай холбоотой зөв мэдээлэл авах шаардлагатай бөгөөд баталгаагүй худал мэдээллээс болж олон нийтийн дунд айдас түгшүүр бий болох эрсдэлтэй гэдгийг Хүнсний аюулгүй байдлын үндэсний лавлагаа лабораторийн Ерөнхий захирал Б.Амар хэлж байв. Мөн улсын лабораториуд уялдаа холбоотой, хамтран ажиллах шаардлагатай байгааг онцолсон юм.
