Монгол Улсын Ерөнхийлөгчийн Үйлдвэр үйлчилгээний бодлогын зөвлөх Ч.Даваабаяр болон Ерөнхийлөгчийн Тамгын газрын Хүнсний төсөл, хөтөлбөр хариуцсан ажлын албаны төлөөлөгчид Японы “Оcto Force Management Co.Ltd” компанийн удирдлагуудтай уулзлаа.
Тус уулзалтад Японы “Оcto Force Management Co.Ltd” компанийг төлөөлөн:
- “Оcto Force Management Co.Ltd” компанийн Гүйцэтгэх захирал Акира Танака
- “Оcto Force Management Co.Ltd” компанийн Санхүүгийн мэргэжилтэн Ёшифуми То
- “Оcto Force Management Co.Ltd” компанийн төлөөлөгч Юта Ватанабэ
- “Оcto Force Management Co.Ltd” компанийн төлөөлөгч Михо Мияажима
- “Оcto Force Management Co.Ltd” компанийн төлөөлөгч Садао Сасаки
“Хүнсний хангамж, аюулгүй байдал” үндэсний хөдөлгөөний ажлын хэсгийг төлөөлөн:
- Монгол Улсын Ерөнхийлөгчийн үйлдвэр үйлчилгээний бодлогын зөвлөх Ч.Даваабаяр
- Хүнсний төсөл, хөтөлбөр хариуцсан албаны Ахлах референт Д.Цэвээндорж
- Хүнсний төсөл, хөтөлбөр хариуцсан албаны референт О.Дамдиндулам
- Хүнсний төсөл, хөтөлбөр хариуцсан албаны Гадаад харилцааны мэргэжилтэн Р.Будмаа
- Хүнсний төсөл, хөтөлбөр хариуцсан албаны Хэвлэлийн ажилтан Б.Урантуяа нар оролцлоо.
“Оcto Force Management Co.Ltd” компани нь 2014 онд байгуулагдсан бөгөөд бизнесийн хөрөнгө оруулалт, зөвлөх үйлчилгээний чиглэлээр үйл ажиллагаа явуулдаг. Мөн нийт хөрөнгө оруулалтынхаа 80 хувийг хүнсний салбарт хийдгээрээ онцлог компани юм.
Тус компанийн төлөөллүүд Монгол Улсын хүнс үйлдвэрлэлийн салбарт хөрөнгө оруулалт хийх нарийн төлөвлөгөөг боловсруулан Ерөнхийлөгчийн тамгын газрын Хүнсний төсөл, хөтөлбөр хариуцсан албатай хамтран ажиллана гэдгээ илэрхийллээ.
“Оcto Force Management Co.Ltd” компанийн Гүйцэтгэх захирал Акира Танака Монгол Улсын хөдөө орон нутгийн хүнс үйлдвэрлэл, тээвэр ложистикийн салбартай түлхүү танилцаж, цаашид нийт 150-200 сая ам.долларын хөрөнгө оруулалт хийх боломжтой гэдгийг уулзалтын үеэр онцоллоо.
Япон Улс, Монгол Улсын хооронд 1972 оны 2 дугаар сарын 24-ний өдөр дипломат харилцаа тогтсон бөгөөд 2022 онд 50 жилийн ой тохиож байна. Иймд Тус уулзалтыг зохион байгуулсан Монгол Улсын Ерөнхий сайдын зөвлөх Б.Баярсайхан талуудын хамтын ажиллагааны гүүр болж, уулзалтыг үр дүнтэй болгоход анхаарна гэдгээ хэллээ.
