Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий хүмүүсийг төрийн дээд цол, одон, медалиар шагнаж байна. Үүнд монголын ард түмнийг хүнсээр хангах ариун ажилд олон жил хүчин зүтгэсэн хүнс үйлдвэрлэгч, баялаг бүтээгч, мэргэжилтэнгүүд багтжээ.Тодруулбал
Төр засагтаа баярлалаа, төрүүлж өсгөсөн аав ээждээ баярлалаа. Тэнгэрийн оронд байгаа ээж минь хараад баярлаж байгаа байх гэж бодож байна. Хамт олондоо баярлалаа. Энэ шагналын манай хамт олны хийж бүтээсэн ажилд, ирээдүйд хийх ажилд өгч байгаа байх хэмээн бодож байна. Монгол улсад байнгын орлоготой, өндөр бүтээмжтэй, дундаж давхаргыг олноор бий болгохын төлөө манай хамт олон ажиллах болно. Баярлалаа та бүхэндээ
С.Жаргалсайхан
Чимээгүйхэн хөдөлмөрлөж явдаг Хүнсний салбарын тариаланчид, ногоочид, үйлдвэрлэгчдийн хөдөлмөрийг төр үнэлж байгаад баяртай байна
Ц.Төгсөө
“ОБ Пластик” компанийн барилга үйлдвэрлэлийн ажилтан Э.Баярбат Хөдөлмөрийн хүндэт медалиар тус тус шагнагдлаа.
Хүний амьд явах, эрүүл байх нь өдөр тутмын анхдагч хэрэгцээ болсон хүнснээс шууд хамааралтай. Шим тэжээллэг, чанар, аюулгүй байдлын шаардлага хангасан хүнсээр хүн амыг хүртээмжтэй хангах нь улс орон оршин тогтнох, тогтвортой хөгжих тулгуур болно. Харин манай улсад хүнсний хангамж, аюулгүй байдал алдагдаж, халдварт бус өвчин нэмэгдэх болсон тул Монгол Улсын Ерөнхийлөгч У.Хүрэлсүх “Хүнсний хувьсгал”-ыг орон даяар эхлүүлээд байна.
Энэ ажилд үндэсний үйлдвэрлэгчид болон дадлага туршлагатай боловсон хүчингүүдийн оролцоо их. Дээрх шагнал авсан хүнс үйлдвэрлэгчид нь 20 гаруй жилийн туршлагатай, ажиллаж буй байгууллагынхаа манлайлал, сор болсон хүмүүс юм. Тэдний алдар гавьяаг үнэлж, шинэ залуу мэргэжилтнүүдийг олноор бэлдэх нь “Хүнсний хувьсгал”-ын нэг үр дүн.