Монгол Улсад хүнсний хангамж, аюулгүй байдлын тухай асуудал хөндөгдөж буй энэ үед дотоодын хүнс үйлдвэрлэгчдийн идэвх оролцоо чухал. Монголчууд хүн ардаа эрүүл байлгая гэвэл хүнсээ анхаарах ёстой. Үүнд шингэн хүнс үйлдвэрлэгч Витафит групп манлайлан оролцож судалгаа, шинжилгээнд суурилсан эрүүл мэндэд тустай бүтээгдэхүүн үйлдвэрлээд удаан хугацаа өнгөрч байна.
Тэгвэл “Витафит Инвест” ХХК-ийн Гүйцэтгэх захирал С.Жаргалсайхан улсын баяр наадмын өмнөхөн Аж үйлдвэрийн гавьяат ажилтан цол тэмдэгээр энгэрээ мялаалаа.
![](https://media.mass.mn/uploads/file/YUYkvdJx8m8RG0HYXFIIrUdolxv16vEJJdq38k2e.jpg)
Тэрээр Витафит Групп үүсгэн байгуулагдсаны 25 жилийн ойг тохиолдуулан, компаниа аж ахуй, зохион байгуулалтын хувьд бэхжүүлэн жинхэнэ утгаар нь компани болгон хөгжүүлэх ажлыг гардан гүйцэтгэсэн юм. Ингэж ажилласан хүч чармайлтын үр дүнд Витафит Групп Монгол улсын хүнсний салбарын хөгжилд бодитой хувь нэмрээ оруулдаг тэргүүлэгч болж чаджээ.
Мөн тэрээр 900 гаруй ажлын байрыг шинээр бий болгож, шаардлагатай техник технологи, хөрөнгө оруулалтын бодлого хэрэгжүүлэн хэрэглэгчдийн хэрэгцээ таашаалд нийцсэн олон нэр төрлийн натурал жимсний шүүс үйлдвэрлэж, хүнсний салбарын манлайлагч болоход оруулсан С.Жаргалсайханы хувь нэмрийг байгууллага, хамт олон нь өндрөөр үнэлдэг.
С.Жаргалсайхан нь дэлхийн өндөр хөгжилтэй орны иргэдийн хэрэглэдэг түвшний амт чанартай, импортыг орлох олон бүтээгдэхүүнийг Монгол улсад үйлдвэрлэж Монголчуудынхаа өдөр тутмын хэрэглээ болгосон байна.
Шинээр бий болгосон ажлын байранд ажиллагчдыг дадлага туршлагатай, мэргэжилтэй, орлоготой болгож компанийнхаа хүний нөөцийг бүрдүүлсэн болон хүнсний салбарын бодлогыг хэрэгжүүлэхэд түүний хувь нэмэр их бий.
Олон жилийн бүтээлч хөдөлмөр, хичээл зүтгэлийнхээ үр дүнд Монгол улсын алкохольгүй шингэн хүнсний зах зээлийн 40-өөд хувийг дангаараа өөрийн нэрийн бүтээгдэхүүнээр хангадаг болсон түүний ажлын бодит үр дүн, түүхэн гавьяаг үнэлж Аж үйлдвэрийн гавьяат ажилтан цолоор ийнхүү шагнажээ.
![](https://media.mass.mn/uploads/file/rOqQyTy9RbbOI0Kg58YpkV56Kqg0eYkJUzEkFQQ4.jpg)