Газар тариалангийн салбарын нэгдсэн системд доорх дэд сангууд холбогдсон. Үүнд:

1. Таримал ургамлын гарал үүслийн систем нь газар тариалангийн үйлдвэрлэл эрхлэгчийн бүртгэл, талбайн арчлалтын мэдээлэл, ургамал хамгааллын хүрээлэнгийн лаборатори болон МХЕГ-ын сүлжээ лабораторын шинжилгээний дүнгийн хуудас зэрэг мэдээлэл дээр үндэслэн сумын ХАА-н мэргэжилтэн гарал үүслийн QR кодтой гэрчилгээ олгоно. МХЕГ-ын байцаагч нар зорилцсан APP-тай багаад гар утасны сүлжээтэй орчинд ургамлын гарал үүслийн системээс дэлгэрэнгүй мэдээллийг хянах боломжтой. Энэ системийг ашигласнаар улсын хэмжээний тариалалт, ургацын баланс, хэмжээ, арчилгаа, хураалтыг бүртгэлжүүлэн, хүнсний анхан шатны үйлдвэрлэл эрхлэгчдээс зах зээлд бэлтгэн нийлүүлж буй ургамал, түүний гаралтай бүтээгдэхүүнд гарал үүсэл олгож, мөрдөн мөшгих тогтолцоог бий болгон, эрүүл хүнсээр ард иргэдэд шаардлагатай мэдээлэл, баримт нотолгоог дэлгэн харуулах боломжийг бүрдүүлсэн.
2. Ургамал хамгааллын бодисын бүртгэл хяналтын систем нь ургамал хамгааллын бодисын зөвшөөрөл, борлуулалт, бодисын зохистой хэрэглээнд хяналт тавьж, сав устгалыг бүртгэлжүүлэн хяналт тавих боломжийг бүрдүүлсэн.
3. Хөрс боловсруулалт, шинжилгээ, лабораторын систем нь хөрсний төлөв байдал, үржил шимийн мэдээллийг боловсруулж, хөрс боловсруулалт, үржил шим, төлөв байдал, лабораторын дүгнэлтийг нэгтгэж тариаланчид мэдээлэлд сууриласан үйлдвэрлэл эрхлэх боломжийг бий болгох, олон нийтэд түгээх зорилготой хийгдэхээр төлөвлөж байна.
4. Хортон шавьж, хог ургамал танилтын систем нь хортон шавьж, хог ургамлыг ухаалаг төхөөрөмж ашиглан таних эрт илрүүлэх, түүнтэй тэмцэх заавар зөвлөгөөг санал болгох, тариаланчдад талбайн арчлалт, ургамал хамгааллын бодисыг зөв зохистой хэрэглэхэд мэдээлэл, арга зүйгээр хангах нөхцлийг бүрдүүлнэ. Тариаланч болон Агрономич талбай дээр байгаа хортон шавьж, хог ургамлын зургийг авч систем оруулан ямар төрлийн шавьж, ургамал болохыг тодорхойлон, ямар арга хэмжээ авч болохыг зөвлөх мэдээллийн сан бүхий систем хийхээр төлөвлөж байна.
5. Урамшуулал авах ажиллагааны гарын авлагыг энд дар үзнэ үү.