drgnews.com | Өнгөрөгч 8-р сард дэлхийн хүнсний үнийн индекс буурсан дүнтэй гарсан байна. Тодруулбал, НҮБ-ын Хүнс, хөдөө аж ахуйн байгууллагын мэдээлснээр Хүнсний үнийн индекс 2023 оны 8-р сард дунджаар 121.4 нэгж үзүүлэлттэй гарч, энэ нь 7-р сарынхаас 2.6 хувиар буурсан дүн болсон байна. 2022 оны 3-р сард дэлхийн хүнсний үнийн индекс оргил цэгт хүрч байсан бөгөөд 8-р сарын уналтийн индекс нь тухайн үеэс 38 нэгжээр доошилсон байна.
Нийт уналтад сүүн бүтээгдэхүүн, ургамлын тос, мах, үр тарианы индексийн уналт нөлөөлсөн бол элсэн чихрийн үнийн индекс бага зэрэг өссөн байна.
Сүү, сүүн бүтээгдэхүүний үнийн индекс 8-р сард дунджаар 111.3 нэгж болж, 7-р сарынхаас 4.6 нэгжээр буурч, хамгийн их уналтад хүрсэн нь найм дахь удаагаа дараалан буурсан үзүүлэлт юм.
Ургамлын тосны индекс дунджаар 125.8 нэгж болж, 7-р сараас 4.6 нэгжээр буурсан байна.
Махны үнийн индекс наймдугаар сард дунджаар 111.3 нэгж болж, долдугаар сарынхаас 4.6 нэгжээр буурсан нь найм дахь удаагаа дараалан буурсан үзүүлэлт юм.
Элсэн чихрийн үнийн индекс наймдугаар сард дунджаар 148.2 нэгж болж, долдугаар сарынхаас 1.9 нэгжээр, өнгөрсөн оны мөн үеийнхээс 37.7 нэгжээр буюу 34 хувиар өссөн байна.
