Дэлхийн хамгийн том цагаан будаа экспортлогч/Энэтхэг/-оос ирсэн хориг нь олон арван улс орон, ялангуяа Ази болон Өмнөд Африк зэрэг Энэтхэгийн будаагаас хамааралтай байдаг орнуудад хүндхэн цохилт болж байна.
Дэлхийн уур амьсгалын өөрчлөлт нь Энэтхэгийн будаа, Австралийн улаан буудайн ургацад нөлөөлж, Украины дайны улмаас хүнсний хомсдол, үнийн огцом өсөлтийг бий болгож байна.
Украины дайн үргэлжилж байгаа энэ үед Орос улс Хар тэнгисийн үр тарианы хэлэлцээрээс гарсны дараахан Энэтхэг улс экспортоо хязгаарласан нь хүнсний томоохон хямралыг өдөөх аюул заналхийлж байна. Мөн цаг агаарын таагүй нөхцөл байдал, геополитикийн хурцадмал байдал, уур амьсгалтай холбоотой хүчин зүйлсээс шалтгаалан ургацын байдал бассан нь үнийн өсөлт, өлсгөлөнгийн түвшинг нэмэгдүүлж байна.
2022 оны хэт халалт Энэтхэгийн улаан буудайн үйлдвэрлэлийг сүйрүүлэв: Дэлхийн улаан буудайн хоёр дахь том үйлдвэрлэгч Энэтхэг улс /Шинэ Дели/ экспортод тавьсан хоригоо жил гаруйн дараа ч цуцлаагүй байна. Энэтхэг улс цагаан будааны экспортоо хоёр дахь жилдээ дараалан хязгаарлаж байна.
Манай гарагийн хамгийн том шар буурцаг экспортлогч, эрдэнэ шишийн шилдэг үйлдвэрлэгч Аргентин улс сүүлийн 60 жилд байгаагүй ган гачигт нэрвэгдээд байгаа нь ургацын огцом бууралтад хүргэж байна.
Дэлхийн хамгийн том далдуу модны тос экспортлогч Индонез улс өнгөрсөн жил үнийн өсөлтийн улмаас экспортоо богино хугацаанд хориглосон нь хүнсний тосны дэлхийн зах зээлд нөлөөлж, ялангуяа Украины наранцэцгийн тосны нийлүүлэлт дайны улмаас тасалдсан.