Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр өнөөдөр Нийслэлийн Чингэлтэй дүүргийн нутаг дэвсгэрт хүнсний үйлдвэрлэл эрхэлж буй баялаг бүтээгч “Сор Хүнс Трейд” ХХК-ийн үйл ажиллагаатай танилцлаа.

“Сор Хүнс Трейд” ХХК нь мах махан бүтээгдэхүүний чиглэлээр үйл ажиллагаа явуулж байна. Үйлдвэрлэлийн хэмжээ бага ч стандартын шаардлага хангасан, эрүүл цэвэр орчинд үйл ажиллагаа явуулж, “Сэнтрал Экспресс Си Ви Эс” ХК-ийн хоол боловсруулах үйлдвэрийн бэлтгэн нийлүүлэгчээр хамтран ажиллаж байна.

Үүсгэн байгуулагч Н.Төрбат, гэргий Х.Дуламханд нар “өөрсдийн гэсэн үйлдвэрлэлтэй болж, ажлын байр бий болгон нийгэмдээ хувь нэмэр оруулья” гэсэн зорилготой 2017 оноос эхлэн хүнсний үйлдвэрлэлийн салбар руу оржээ. Анх 8 нэрийн дэлгүүрээс бизнесийн гараагаа эхэлж байсан залуу хос өнөөдөр харьяа дүүрэгтээ 10 гаруй ажлын байрыг бий болгожээ.

Том үйлдвэрүүдийг дагаж л жижиг, дунд үйлдвэр хөгжинө. Үндэсний томоохон компаниуд өөрсдөө жижиг, дунд үйлдвэрлэгчдийг бойжуулна.

Том үйлдвэрүүдийг дагаж л жижиг, дунд үйлдвэр хөгжинө. Үндэсний томоохон компаниуд өөрсдөө жижиг, дунд үйлдвэрлэгчдийг бойжуулна. Энэ зарчмаар монголдоо олон салбартай CU сүлжээ дэлгүүрийн “Сэнтрал Экспресс Си Ви Эс” ХК-ийн хоол боловсруулах үйлдвэр манайхтай хамтран ажиллаж эхэлснээр дагаад бидний үүрэг хариуцлага нэмэгдэж байна. Ерөнхийлөгчийн санаачилсан “Хүнсний хувьсгал” үндэсний хөдөлгөөний талаарх мэдээллийг телевиз, радиогоос авдаг. Ихэвчлэн үндэсний томоохон аж ахуй нэгжүүдээр очиж танилцаж байгаа харагддаг. Гэвч тэдгээр газруудын дэргэд жижиг , дунд үйлдвэрлэгч бидний зовлон бэрхшээл илүү их. Салбар хариуцсан зөвлөх нь залуу үйлдвэрлэгчдийнхээ үйл ажиллагаатай танилцаад ирж байгаад талархалтай байна хэмээн “Сор Хүнс Трейд” ХХК-ийн үсгэн байгуулагч Н.Төрболд хэллээ.