XVII жарны “Хилэнт эх” хэмээх модон луу жилийн Цагаан сарын баярыг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган эрхэлсэн ажилдаа амжилт гаргаж, эх орныхоо хөгжил дэвшилд үнэтэй хувь нэмэр оруулан зүтгэж буй ХӨНГӨН АЖ ҮЙЛДВЭРИЙН салбарын баялаг бүтээгч, үндэсний үйлдвэрлэгчдэд төрийн дээд одон, медаль хүртээв.

Шагналыг Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр гардуулан өглөө. Ёслолын ажиллагаа Туулай жилийн сүүлийн өдөр буюу билэгт сайн Битүүний өдөр Төрийн ордонд болж өндөрлөлөө.

АЛТАНГАДАС ОДОНГООР:

• Чингэлтэй дүүргийн өрхийн үйлдвэрлэгч бөгөөд гар эдлэл, бэлэг дурсгалын зүйлс үйлдвэрлэн, 48 дахь жилдээ хөдөлмөрлөж буй ахмад баялаг бүтээгч Борын Чинбат,
• “Монголын Ноос” Нэхмэлийн үйлдвэрт 37 жил Нэхмэлчингээр ажиллаж, хөдөлмөрлөсөн аж үйлдвэрийн ахмад зүтгэлтэн Сумъяагийн Сүрэнхорлоо,
• “Чиглэл” ХХК-ийн Тогооч Чимэддоржийн Сэлэнгэ,
• “Монгол Савхи” үйлдвэрийн Ерөнхий технологичоор 48 жил ажиллаж, хөдөлмөрлөсөн аж үйлдвэрийн ахмад зүтгэлтэн Даянжавын Цэцгээ,
• “Об пластик” ХХК-ийн Гүйцэтгэх захирал Банзрагчийн Лхагвадулам,
• “ОББТМ” ХХК-ийн Гагнуурчин Цагаачийн Одгэрэл,
• “Альфа филтер” ХХК-ийн үүсгэн байгуулагч Ишбадамын Мөнхбат
• “Тод Оймс” ХХК-ийн Ерөнхий менежер Болдбаатарын Ууганбаяр,
• “Чиглэл” ХХК-ийн Худалдааны зөвлөх Шижирбаатарын Алтангоо,
• Сум орон нутгийн үндэсний үйлдвэрлэлийг хөгжүүлэхэд 10 гаруй жил ажиллаж хөдөлмөрлөж монголд жижиг дунд үйлдвэрлэлийн кластерийг судалгааны анхны ажлыг хийсэн бизнесийн удирдлагын ухааны доктор Очирхуягийн Батсайхан,

ХӨДӨЛМӨРИЙН ХҮНДЭТ МЕДАЛИАР:

• “Тод Оймс” ХХК-ийн Цехийн мастер Төмөрбаатарын Цэвэгсүрэн,
• “Мон лабел” ХХК-ийн Хэвлэлийн дараах оператор Эрвээхэйсүрэнгийн Дорж,
• Ахуйн үйлчилгээний салбартаа 30 дахь жилдээ хөдөлмөрлөж байгаа Самдандамбын Цэрмаа,
• “Тод Оймс” ХХК-ийн Үйлдвэрийн тогооч Цэрэндуламын Гэрэлчимэг нарыг шагналаа.