“Хүнсний хангамж, аюулгүй байдлыг хангах талаар авах зарим арга хэмжээний тухай” УИХ-ын 36 дугаар тогтоолыг хэрэгжүүлэгч байгууллагуудын 3 дахь удаагийн зөвлөлдөх уулзалт зохион байгуулагдана.
Зорилго: Монгол Улсын Ерөнхийлөгчийн санаачилсан ‘’Хүнсний хангамж, аюулгүй байдал’’ үндэсний хөдөлгөөнийг эрчимжүүлэх зорилгоор Улсын Их Хурлын 2022 оны “Хүнсний хангамж, аюулгүй байдлыг хангах талаар авах зарим арга хэмжээний тухай” 36 дугаар тогтоолын хэрэгжилтийн явцыг хэлэлцэх.
Зөвлөлдөх уулзалт 2024 оны 3 дугаар сарын 5-нд Төрийн ордны Жанжин Д.Сүхбаатар танхимд болно.
Дашрамд дурдахад Ерөнхийлөгчийн Тамгын газрын Хүнсний төсөл, хөтөлбөрийн албанаас УИХ-ын 36 дугаар тогтоолын хэрэгжилтийг нарийвчлан тооцох зорилгоор хариуцагч байгууллагуудын ажлыг тогтоолын дагуу бүлэглэн урьдчилсан уулзалт, хэлэлцүүлэг 2024 оны 2 дугаар сарын 21-27-ны өдрүүдэд зохион байгуулав.
