Монголчууд хамгийн олноор ажиллаж, амьдардаг БНСУ-ын Сөүл хотноо энэ өдрүүдэд “Монголд үйлдвэрлэв-2024” үзэсгэлэн гарч байна.
Энэ удаагийн арга хэмжээнд ноос ноолуур, арьс шир, бэлэг дурсгал, зөөлөн оёдол, эрүүл мэнд болон хүнсний салбарт үйл ажиллагаа эрхлэгчдийн төлөөлөл 300 гаруй нэр төрлийн бараа бүтээгдэхүүнээрээ оролцож байгаа аж.
Тав дахь удаагаа зохион байгуулагдаж буй үзэсгэлэн худалдаа нь хоёр улсын худалдаа, эдийн засгийн хамтын ажиллагааг өргөжүүлэх, бизнес эрхлэгч үйлдвэрлэгчдийг гадаад зах зээлтэй холбож, хөрөнгө оруулагч татах, үндэсний үйлдвэрлэгчдийнхээ бараа бүтээгдэхүүнийг сурталчлан таниулах зорилготой.
Тус арга хэмжээг Жижиг, дунд үйлдвэрийн газар, БНСУ-ын Дүндэмүн дүүрэгтэй хамтран зохион байгуулж буй нь энэ бөгөөд гуравдугаар сарын 4-нийг хүртэл үргэлжлэх юм байна.
БНСУ нь Монгол Улсын гадаад харилцааны дөрөв дэх түнш орон бөгөөд хоёр улс хоорондын бараа бүтээгдэхүүний эргэлт 564, 9 сая ам.долларт хүрчээ.
Дээрх арга хэмжээний хүрээнд үндэсний үйлдвэрлэгчид дэлгүүр нээх, түнш олох, бизнесийн бусад олон хэлэлцээрийг хийх зорилго өвөртөлжээ.
