Цагт мянган хонь угаадаг автомат хонь угаагч машиныг Монголд ашиглаж эхэлжээ. “Шэйр Монголиа” ТББ-ын хамт олон 2022 оноос эхлэн цахилгаан хайчаар хонь ноослох сургалтыг явуулж, явуулын хонь ноослогч чиргүүлийг жилийн өмнөөс Монголд оруулж ирсэн байна. Мөн энэ хугацаанд мянга гаруй ноос хяргах залуус бэлтгэсэн тэд ч Шинэ Зеланд улсад болсон ДАШТ амжилттай оролцжээ.
Машинаар 100 хонийг 6 минутад угаадаг байна.
Анхны ноос хяргагчдын нэг болох Баасандорж өөрийн сурсан цахилгаан хайчаар нэг өдрийн 8 цагт 320 хурга хяргаж байжээ. Нэг хүн өдөрт гараар 20-30 хонь хяргадаг.Харин цахилгаан хайчаар өдөрт 300 хонийг хяргах боломжтой байна.
Хаана ч аваад явах боломжтой явуулын хонь ноослогч нарны зайгаар цэнэглэгддэг цахилгаан хашаа, хонь угаах машин зэрэг олон сонирхолтой төхөөрөмжийг малчдад танилцууллаа.
Өт хорхой, шавж хачиг гээд олон амьтад малын эрүүл мэнд болоод таргалалт сөргөөр нөлөөлдөг. Тэгэхээр энэ цахилгаан хонь угаагч машин нь эдгээр хорт шинжийг устгах ач тустай. Энэ машинаар цагт мянган хонийг угаадаг. Ингэхдээ ус маш бага ус хэрэглэдэг учир байгаль орчинд ээлтэй. Монгол малчин залуус байгалиасаа өгсөн хөдөлмөрч өгөгдөлтэй. Мөн аливаа зүйлийг хурдан сурахаас гадна шинэ содон зүйлс сурахыг эрмэлздэг. Малтайгаа ойрхон байдаг учир тэдэнд маш том давуу тал болдог. Тийм ч учраас малчид техник технологи ашиглаад мөн хөдөлмөрөө хөнгөвчлөх бүрэн боломжтой гэж “Шейр Монголиа” ТББ үүсгэн байгуулагч хэллээ.