Монгол Улсын ингэний сүүний уламжлалт хэрэглээ өргөн хэдий ч тус баялаг нөөцийн ашиглалт, боловсруулалт хомс, олдоц улирлын чанартай байгааг та мэдэх үү? Энэ асуудалд шийдэл олохоор Европын Холбооны санхүүжилтээр НҮБ-ын Хүнс, хөдөө аж ахуйн байгууллага (ХХААБ)-ын хэрэгжүүлж буй “Тогтвортой Хөгжлийн Зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төслийн хүрээнд Ингэний сүүний нэмүү өртгийн сүлжээг бэхжүүлэх, ингэний сүүний ач холбогдол, олон талын хэрэглээг сурталчлан таниулж, талуудын хамтын ажиллагааг дэмжих зорилгоор хэлэлцүүлэг өрнүүлсэн байна.
Ингэний сүүг илүү сайн үйлдвэрлэж, илүү сайн шим тэжээл бүрдүүлж, илүү сайн сайхан амьдралыг цогцлоохын тулд илүү сайн судалцгаая!