УИХ дахь Хөдөө аж ахуйн үйлдвэрлэлийг дэмжих ажлын хэсгийн тав дахь удаагийн хуралдаан боллоо. Ажлын хэсгийн хуралдаанаар “Хүнсний хувьсгал” “Цагаан алт” “Шинэ хоршоо” зэрэг үндэсний хөдөлгөөнүүдийн хэрэгжилтийг эрчимжүүлэх хүрээнд хийж, хэрэгжүүлэх үйл ажиллагааны талаар хэлэлцлээ. Хуралдаанд УИХ-ын гишүүн П.Батчимэг, УИХ-ын гишүүн Ж.Бат-Эрдэнэ, УИХ-ын гишүүн Ц.Идэрбат, УИХ-ын гишүүн Д.Энхтүвшин, УИХ-ын гишүүн М.Ганхүлэг, УИХ-ын гишүүн Д.Үүрийнтуяа, УИХ-ын гишүүн Л.Соронзонболд болон Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, ХХААХҮЯ-ны төлөөлөл, Их, дээд сургуулиудын төлөөллүүд оролцов.
ХХААХҮЯ-аас дээрх хөдөлгөөнүүдийн хэрэгжилт, явцын талаар мэдээлэл өгч, ажлын хэсгийн гишүүд асуулт асууж санал хэлэв.
Ажлын хэсгийг ахалж буй УИХ-ын гишүүн М.Мандхай “Хүнсний хувьсгал” “Цагаан алт” “Шинэ хоршоо” зэрэг үндэсний хөдөлгөөнүүдийн давхардлыг арилгах, уялдаа холбоог тогтоох, хэрэгжүүлэх арга замын зураглалыг танилцууллаа.
УИХ дахь Хөдөө аж ахуйн үйлдвэрлэлийг дэмжих ажлын хэсгийн хуралдаанаар дээрх хөдөлгөөнүүдийг хооронд нь уялдуулах, хүрэх үр дүнгээ тодорхой тооцоолж мэдээлэл өгөхийг ХХААХҮЯ-нд даалгав. Мөн “Хүнсний хувьсгал” “Цагаан алт” “Шинэ хоршоо” зэрэг хөтөлбөр хоорондын уялдааг хангах, хууль, эрх зүйн орчныг боловсронгуй болгох чиглэлд илүү анхаарч, боловсролын байгууллагуудтай хамтран ажиллах шаардлагатайг онцоллоо.
