Хөдөө аж ахуйн гавьяат ажилтан Ц.Рэнчинсэнгээ нь Хөдөө аж ахуйн салбарт анхан шатны судалгааны байгууллагаас эхлэн Хүнс, хөдөө аж ахуй, хөнгөн үйлдвэрийн яамны мэргэжилтэн, газрын даргаар тус тус ажиллаж салбарын бодлого, төлөвлөлтийг боловсруулах үүрэгт ажлыг гүйцэтгэж байсан төдийгүй хувийн хэвшилд газар тариалан эрхэлж салбартаа 39 жил тасралтгүй ажиллаж байна. Түүний хувьд төр, хувийн хэвшил, олон нийтийн дунд хүлээн зөвшөөрөгдөж, салбартаа үнэлэгдсэн удам дамжсан тариаланч юм.
Ц.Рэнчинсэнгээ нь Монгол Улсын Ерөнхийлөгчийн санаачилсан “Хүнсний хангамж, аюулгүй байдал” үндэсний хөдөлгөөнд тариаланчдаа нэгтгэн, түүчээлж ажилласан түүний хөдөлмөр зүтгэлийг үнэлэн Монгол Улсын Ерөнхийлөгч У.Хүрэлсүхийн зарлигаар Хөдөө аж ахуйн гавьяат ажилтан цол хүртээсэн юм. Монголын Тариаланчдын Үндэсний Холбооны ерөнхийлөгч, “Хүнсний хувьсгал”ТББ-ын Удирдах Зөвлөлийн тэргүүлэгч гишүүн Ц.Рэнчинсэнгээгийн Хөдөө аж ахуйн гавъяат ажилтан цолны хүндэтгэлийн арга хэмжээ ёслол төгөлдөр боллоо.
Хүн ардаа эрүүл, аюулгүй хүнсээр хангах их үйлсэд хичээл зүтгэл, идэвх санаачилгатай оролцож, Монгол Улсын хөдөө аж ахуйн гавъяат ажилтан цол тэмдэгээр энгэрээ мялаасан Ц.Рэнчинсэнгээд “Хүнсний хувьсгал” ТББ-ын нийт удирдах зөвлөлийн гишүүд, салбарын хамт олны нэрийн өмнөөс халуун баяр хүргэе!
