Ховд аймгийн тариаланчид өнгөрсөн онд 2975.5 га талбайд үр тариа, малын тэжээл, төмс, хүнсний ногоо, жимс жимсгэнэ тариалсан юм. Улмаар үр тариа 286.3 тонн, малын тэжээл 559.2 тонн, төмс 7518.5 тонн, хүнсний ногоо 20825 тонн гээд нийт 29 мянга гаруй тонн ургац хураан авчээ.
Орон нутгийн удирдлагууд ирэх жилүүдэд газар тариалангийн салбарыг хөгжүүлэх чиглэлээр олон талт ажил хэрэгжүүлэхээ илэрхийллээ.
Тодруулбал, тариалалтын талбайн хэмжээг нэмэгдүүлэх, сумдын услалтын системийг сайжруулах, бүх төрлийн хүнсний ногооны тариалалтад хэрэглэж буй ургамал хамгааллын бодист хяналт тавих чиглэлд анхаарна.
Мөн Жаргалант сумын Засаг даргын 2024-2028 онд хэрэгжүүлэх үйл ажиллагааны хөтөлбөрт Үйлдвэржилт бодлогын хүрээнд нутгийн брэнд болох тарвас, төмсөөр импортыг орлох бүтээгдэхүүн хийж буй иргэн, аж ахуйн нэгжийг дэмжинэ гэж тусгажээ.
Эх сурвалж: Монцамэ агентлаг
