Энэ удаагийн үзэсгэлэн худалдаанд 12 сумын 136 аж ахуйн нэгж, иргэн оролцож, арьс ширэн эдлэл, ноосон эдлэл, хатуу зөөлөн оёдол, мах, махан бүтээгдэхүүн, сүү, цагаан идээ, гурилан бүтээгдэхүүн, жимс жимсгэнэ, хүнсний ногоо, даршилсан бүтээгдэхүүн, мод модон бүтээгдэхүүн, бэлэг дурсгал гэсэн төрлүүдээр оролцлоо.
“Цагаан сар” үзэсгэлэн худалдаагаар сүү цагаан идээ, үндэсний дээл, хувцас гүйлгээ сайтай байсан бөгөөд үйлдвэр хоршоо эрхлэгчид нийтдээ 208 сая төгрөгийн борлуулалт хийсэн байна.
Бараа бүтээгдэхүүний үнэ өнгөрсөн жилээс нэмэгджээ. Тухайлбал нэг кг хэвийн ааруул 35 мянган төгрөгийн үнэтэй байсан бол энэ жил 40 мянга болж нэмэгдсэн байна. Мөн мах, махан бүтээгдэхүүн, чацаргана, хүнсний ногоо, хэвийн боовны үнэ өмнөх жилийнхээс 500-2000 төгрөгөөр өсжээ.
