Монгол Улсын Ерөнхийлөгч У.Хүрэлсүх хүндэтгэлийн ёслолд оролцон ээжүүд, охид, бүсгүйчүүдэд талархал илэрхийлж, эрүүл энх, сайн сайхан бүхнийг хүсэн ерөөв. Тэрбээр хэлсэн үгэндээ, ижийгээ шүтэж, эмэгтэйчүүдээ хүндэтгэх олон зууны түүхтэй монголчууд энэ өдрийг охид, эмэгтэйчүүдийнхээ эрхийг хамгаалах бодлогын хэрэгжилтийг дүгнэн цэгнэж, эхчүүд, эмэгтэйчүүддээ хүндэтгэл үзүүлдэг бүх нийтийн баярын өдөр болгон тэмдэглэж байгааг хэллээ.

“Алдарт эхийн одонт ээжүүд” хүндэтгэлийн арга хэмжээг жил бүрийн 3-р сарын 8-ний өдөр Төрийн ордонд хийж ирсэн. Төрөөс хүн амаа өсгөх бодлогыг тууштай хэрэгжүүлэхдээ олон хүүхэд төрүүлж, өсгөсөн ээжүүдээ алдаршуулан, Алдарт эхийн 1, 2 дугаар зэргийн одон олгодог.

Уг арга хэмжээнд ивээн тэтгэгчээр оролцож, 850 ээжийн буюу 12 сая төгрөгийн гарын бэлгийг  “Их үрчин” ХХК-ний хамт олон “Цөмөөхэй” нэрийн бүтээгдэхүүнээ өглөө.

“Их үрчин” ХХК нь эх орны хөрсөнд ургасан хуш модны самрыг орчин үеийн дэвшилтэт технологиор савлан хэрэглэгчдийн гарт хүргэхээс гадна үйлдвэрлэгчдэдээ импортыг орлох бүтээгдэхүүн үйлдвэрлэхэд нь олон талт туслалцаа үзүүлэхийн сацуу уул уурхайн бус экспортыг дэмжиж, олон улсын түвшинд үйл ажиллагаа явуулж байгаа юм. 

Мөн ээжүүд, эмэгтэйчүүдийн өргөө гэр инээд баяслаар цалгиж, үр хүүхдүүд нь дүүрэн жаргалтай, төвшин амьдралтай, өнөр бүлээрээ энх тунх, үе удмаараа өнөр өтгөн байхын ерөөлийг өргөн дэвшүүллээ.

“Алдарт эхийн одонт ээж” хүндэтгэлийн ёслолд 21 аймаг, нийслэлийн төлөөлөл болсон 1000 ээж оролцлоо. Хүндэтгэлийн ёслолыг Алдарт эхийн одонт ээжүүдийн холбоо, Ерөнхийлөгчийн Тамгын газар, Монголын эмэгтэйчүүдийн холбоо хамтран 19 дэх жилдээ зохион байгууллаа.