“Монголын Эдийн засгийн форум-2025” 7 дугаар сарын 8,9-ний өдрүүдэд Төрийн ордонд амжилттай зохион байгуулагдлаа.

Монголын Эдийн Засгийн Форум нь 2010 оноос хойш зохион байгуулагдаж байгаа бөгөөд эдийн засаг, нийгмийн хөгжлийн тулгамдсан асуудлыг хэлэлцэж, шийдэл гаргахад чиглэсэн үндэсний тэргүүлэх платформ юм.

Монгол Улсын Ерөнхийлөгчийн санаачилсан “Хүнсний хангамж, аюулгүй байдал” үндэсний хөдөлгөөний хүрээнд УИХ-ын 36-р тогтоол батлагдан, таван зорилтын хүрээнд 114 арга хэмжээг хувийн хэвшил болон төрийн 35 байгууллага хамтран хэрэгжүүлж байгаа юм. Энэ хүрээнд “Монголын Эдийн засгийн форум”- аар “Хүнсний хангамж” сэдэвт хэлэлцүүлэг өрнөн Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр Панелистаар ажиллалаа.

Хэлэлцүүлэгт хүнс, хөдөө аж ахуйн салбарын төр болон хувийн хэвшил, эрдэмтэн судлаачдын 100 гаруй төлөөлөл оролцсон юм.

Модератор

• Б.Болор /МҮОНРТ-ийн Монголын мэдээ сувгийн ахлах редактор/

Панелист

• М.Мандхай /УИХ-ын гишүүн/
• Ч.Даваабаяр / Монгол Улсын Ерөнхийлөгчийн Үйлдвэр, үйлчилгээний бодлогын зөвлөх/
• Т.Жамбалцэрэн / ХХААХҮЯ-ны Төрийн нарийн бичгийн дарга/
• Р.Мөнхтуяа / “Хаан банк”-ны Гүйцэтгэх захирал/
• Г.Баярмагнай / “Апу Дэйри” ХХК-ийн Гүйцэтгэх захирал/
• Г.Нямжаргал / НҮБ-ын ХХАА-н байгууллагын Шадар суурин төлөөлөгч/

Хэлэлцүүлгээр дотоодын хүнсний аюулгүй байдлын хяналт, импортын бараа бүтээгдэхүүний өсөлт бууралт болон үндэсний үйлдвэрлэгчдэд бүтээгдэхүүнээ экспортлоход тулгамдаж буй хууль, эрх зүйн асуудлыг хэлэлцэж, хэлэлцүүлэгт оролцогчдын асуултад хариуллаа.

Монголын Эдийн засгийн форумаар дараах сэдвээр хэлэлцүүлэг өрнөлөө.

• Хүнсний хангамж
• Бизнест ээлтэй монгол
• Тодорхойгүй байдалтай нүүр тулах нь
• Олон улсаас хөрөнгө оруулалт татах нь
• Хот төлөвлөлт, хотын эдийн засаг
• Урт хугацааны баялгийн удирдлага
• Бүсчилсэн хөгжил ба тээвэр логистикийн хөрөнгө оруулалт
• Шинэ боломж ба эрсдэл
• Дижитал эрин
• Сэргээгдэх эрчим хүчний асуудал ба шийдэл
• Маргаашийн ажиллах хүчин
• Стратегийн нөөц ба нийлүүлэлтийн гинжин хэлхээ
• Чухал ашигт малтмал, нийлүүлэлтийн гинжин хэлхээ
• Тогтвортой олборлолт