Монгол Улсын Ерөнхийлөгчийн Үйлдвэр, үйлчилгээний бодлогын зөвлөх бөгөөд “Хүнсний хувьсгал” мэргэжлийн холбооны Тэргүүн Ч.Даваабаяр Бүгд Найрамдах Энэтхэг Улсын Federation of Indian Micro and Small & Medium Enterprises (FISME) холбоотой хамтран ажиллах Санамж бичигт гарын үсэг зурлаа. /2025.10.14/

FISME бол Жижиг, дунд аж үйлдвэрүүд (MSMEs)-ийн төлөөлөл болох төрийн бус байгууллага (NGO) бөгөөд MSME салбарын бодлого, хөтөлбөрүүдийн хэлэлцүүлэгт оролцдог, төр-засгийн байгууллагууд, олон улсын агентлагуудтай хамтран ажилладаг 60 гаруй жилийн түүхтэй байгууллага юм.

Гарын үсэг зурах ёслолд “Хүнсний хувьсгал” мэргэжлийн холбооны Тэргүүн Ч.Даваабаяр FISME холбооны Дэд тэргүүн ноён Ракеш Чхабра, бизнесийн төлөөлөл, холбоодын удирдлага болон олон улсын хамтын ажиллагаанд оролцох сонирхол бүхий аж ахуйн нэгжүүд оролцлоо.

Бүгд Найрамдах Энэтхэг Улсын Засгийн газар “Make in India” программыг дэмжиж, Mega Food Parks болон Production-Linked Incentive (PLI) зэрэг хөтөлбөрүүдийг хэрэгжүүлснээр хүнс боловсруулалтын үйлдвэрлэлийн хүчин чадал өмнөх 10 жилийн хугацаанд ойролцоогоор 20 дахин өсгөж чаджээ.

Federation of Indian Micro and Small & Medium Enterprises FISME нь Энэтхэг улсын 30 гаруй мужийн 700 гаруй холбоог нэгтгэсэн, тус улсын жижиг, дунд үйлдвэрлэлийн салбарт тэргүүлэгч байгууллагуудын нэгдэл бөгөөд хоёр сая гишүүнтэй холбоо юм.

Хөдөө аж ахуйн үйлдвэрлэлд үр тариа, будаа, улаан буудай, хөвөн, элсэн чихэр, жимс, хүнсний ногоо, сүү, мах, өндөг, загас зэрэг олон төрлийн бүтээгдэхүүн зонхилдог.
2023–2024 онд хөдөө аж ахуйн нийт үйлдвэрлэл 29.49 лакх крор рупи-д хүрсэн бөгөөд энэ нь өмнөх жилүүдтэй харьцуулахад өсөлттэй үзүүлэлт юм.
Энэтхэг улс дэлхийд:

• Сүү, арвай, будаа, жимс, ногоо, халуун ногоо-ны үйлдвэрлэлээр эхний байруудыг эзэлдэг.
• Сүү үйлдвэрлэл жилд 239 сая тонн орчимд хүрч, хөдөө аж ахуйн гол тулгуур салбарын нэг болсон.

Хоёр байгууллага Монгол Улсын Ерөнхийлөгчийн санаачилсан “Хүнсний хувьсгал” хөдөлгөөний хүрээнд хамтын ажиллагаагаа цаашид тогтвортой, урт хугацаанд өргөжүүлж, хоёр улсын бизнес эрхлэгчдийг холбох гүүр болохоо илэрхийлсэн юм.

Энэхүү хамтын ажиллагаа нь хоёр орны хүнс, хөдөө аж ахуйн болон жижиг, дунд бизнес эрхлэгчдийн хооронд туршлага солилцох, технологи дамжуулах, зах зээлийн өрсөлдөх чадварыг нэмэгдүүлэх, мөн бизнес форум, үзэсгэлэн, сургалт, судалгааны төслүүдийг хамтран хэрэгжүүлэхэд чиглэж байна

Энэтхэгийн Засгийн газар хүнсний үйлдвэрлэл, хөргөлт, сав баглаа боодол, экспортын дэд бүтцийг сайжруулах чиглэлээр дараах хөтөлбөрүүдийг хэрэгжүүлж байна. Үүнд:

• Pradhan Mantri Kisan SAMPADA Yojana (PMKSY)– Хүнс боловсруулах салбарын дэд бүтцийг хөгжүүлэх, агро‑бизнесийг дэмжих хөтөлбөр.
• PM Formalisation of Micro Food Processing Enterprises (PMFME)– Жижиг хүнс боловсруулах аж ахуйн нэгжүүдийг албан ёсоор бүртгэж, санхүү, техник технологиор дэмжих.
• Production Linked Incentive Scheme for Food Processing Industry (PLISFPI)-Хүнс боловсруулах үйлдвэрүүдийн үйлдвэрлэлийг нэмэгдүүлэх, экспорт ба технологийн хөгжилд дэмжлэг үзүүлэх зорилготой

Мөн хүнсний үйлдвэрлэлийн салбарт гадаадын шууд хөрөнгө оруулалтыг (FDI) 100 хувь нээлттэй болгосон нь гадаадын компаниудыг идэвхтэй татаж байна.