Монгол Улсын Ерөнхийлөгч Ухнаагийн Хүрэлсүх Бүгд Найрамдах Энэтхэг Улсад төрийн айлчлал хийлээ.
Айлчлалын хүрээнд Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр Бүгд Найрамдах Энэтхэг Улсын Bharat Skyr & Doodh Products Private Limited компанийн сүүн бүтээгдэхүүний үйлдвэрийн үйл ажиллагаатай танилцлаа.
Тус компани органик үйлдвэрлэл, “clean label” (өнгө, задруулагч бодис хязгаарлах) зарчмуудыг баримтлан бүтээгдэхүүнээ үйлдвэрлэдэг бөгөөд А2 сүү буюу лактозгүй, өөх багатай (fat low), нэмэлт сахар, пектин, задруулагч бодис (preservatives) хэрэглэдэггүй органик бүтээгдэхүүнээрээ алдартай юм.
A2 сүү нь A1 сүүтэй харьцуулахад:
- Зарим хүмүүст гэдэсний хий бага үүсгэх,
- Цавуулаг, харшлын зовиур багасгах зэрэг давуу талтай.
A2 сүү нь Энэтхэг, Австрали, Сингапур, АНУ-д “премиум органик сүү” гэж тооцогддог юм.
Цаашид Монгол улсаас сүү, сүүн бүтээгдэхүүний түүхий эдийг Энэтхэг улс руу импортлон авч, хатаасан сүүний үйлдвэрлэлийг хөгжүүлэн дэлхийн зах зээлд гаргах боломж нээлттэй гэдгийг тус үйлдвэрийн удирдлагууд онцоллоо.
