19 нэр төрлийн хүнсний бүтээгдэхүүнээр дотоодын хэрэгцээгээ бүрэн хангаж, цаашлаад экспортлогч улс болох зорилготой “Хүнсний хувьсгал” үндэсний хөдөлгөөний хүрээнд Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр CU конвиниенс сүлжээ дэлгүүрийн хоолны үйлдвэрт ажиллалаа.
Дэлхийн конвиниенс сүлжээ дэлгүүрийн бизнесийн шилдэг туршлага, нөү-хауг Монголд нэвтрүүлж, зах зээлд тэргүүлэх зорилгоор 2018 оны 4-р сард БНСУ-ын конвиниенс дэлгүүрийн салбарт 30 гаруй жилийн туршлагатай, CU брэндийн эзэмшигч, салбарын тэргүүлэгч Би Жи Эф Ритэйл Компанитай мастер франчайзийн гэрээг байгуулж, Монгол улсад CU брэндийн конвиниенс дэлгүүрийн үйл ажиллагааг эхлүүлж худалдаа үйлчилгээний салбарыг нэг шатаар ахиулах алхамыг хийж байв.
Монгол Улсын Ерөнхийлөгч У.Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөнийг “Сэнтрал экспресс си ви эс” ххк дэмжиж ажиллахаа илэрхийллээ.
Өдгөө 300 салбар дэлгүүртэй үйл ажиллагаа явуулж буй тус компанийн 91.7 хувийг монгол компани эзэмшдэг. Нийт 2800 хүнийг ажлын байраар хангадаг бөгөөд хоолны үйлдвэрт л гэхэд 260 хүн ажилладаг. Бүтээгдэхүүн үйлдвэрлэхдээ нэн тэргүүнд эрүүл, аюулгүй байдалд анхаарч, амт чанарын баталгаат хүнсийг хэрэглэгчдэд хүргэдэг байна.
CU олон улсын конвиниенс сүлжээ дэлгүүрийн мастер франчайзыг эзэмшигч, 30 жилийн түүхтэй Солонгосын BGF Retail ХХК нь Солонгос улсад 17 мянга орчим салбартай. “Сэнтрал экспресс си ви эс” компанийн хувьд монгол түүхий эдээр бэлтгэсэн бүтээгдэхүүнийг тус салбаруудад нь экспортлон нийлүүлэх, дотоодын үйлдвэрлэгчдээ дэмжих томоохон зорилготой байна.
CU конвиниенс дэлгүүр өргөжин тэлэхийн хэрээр бүтээгдэхүүн үйлчилгээг өдөр бүр тасралтгүй, найдвартай ханган нийлүүлэх нь хэрэгцээ шаардлага тулгарч хоолны үйлдвэр, ханган нийлүүлэлт, ложистикийн төвүүдийг байгуулж үйл ажиллагааны чадавхи, найдвартай байдлыг ханган ажиллаж байна.
