Хэрэглэгчдийн танил болсон хүний эрүүл мэндэд нэн тустай гэгдэх “Загсгал цай” говь нутгийн брэнд болоод арваад жилийг үдэж байна.
Говийн эмзэг хөрсөнд ургадаг загсгал ургамал нь бутлаг эмийн ургамал төдийгүй тамир тэнхээ сайжруулах, биеийн хорыг гадагшлуулах үйлчилгээтэй аж. Дорноговь аймгийн үндэсний үйлдвэрлэгч “Далт мөнгөн шанд” ХХК БНХАУ-ын ӨМӨЗО-ны Хөх хотод болж байгаа Монгол-Хятадын дөрөв дэх удаагийн экспод “Загсгал” брэндээрээ оролцож байна.
Эл цайг Д.Должин гэдэг эмээ анх санаачилж Дорноговийн брэнд болгосноос хойш үр хүүхэд нь үргэлжлүүлэн авч явна. Бэлгийн багц нь эмэтгэйчүүдэд зориулсан сагсанд боосон цайны багц гээд сав баглаа боодол нь орчин үеийн шийдлээр хийгдэж өөр өөр үнэлгээтэй болжээ.
Мөн онцгой үйлчилгээтэй даралт бууруулах цай, загийн лавай гэдэг ургамлаар үйлдвэрлэсэн цай нь мөн л хэрэглэгчдийн талархлыг хүлээж байгаа юм. Ташрамд дурдахад БНХАУ-ын ӨМӨЗО-ы Хөх хотод зохион байгуулагдаж буй “Монгол, Хятадын дөрөв дэх удаагийн экспо” энэ оны есдүгээр сарын 06-нд эхэлсэн бөгөөд Монгол Улсын Шадар сайд С.Амарсайхан тэргүүтэй төлөөлөгчид оролцож байгаа аж. Тус экспо есдүгээр сарын 10-ныг хүртэл үргэлжлэх аж.
Г.Лхагвадулам гэнэ үү? Сэтгүүлч юм бол наад захын ёс зүйгээ анхаараач, хүний мэдээ хусахдаа ичээч, Хөөрхий тэгээд хүний мэдээ хусаж цалин авч амь зогоодог л бх даа
Наад мэдээ чинь МОНЦАМЭ агентлагийн Дорноговь аймаг дахь сурвалжлагч Х.Эрдэнэбулганы мэдээ шүү дээ. Та нар хүний мэдээг хусахдаа ядаж эх сурвалжийг нь дурдаач паразитуудаа, дахин мэдээ хусах юм бол хуулуь хяналтын байгууллагад хандаж хүнсний хувьсгал хэмээх нэрийг чинь олонд цацаж