Монгол Улсын Ерөнхийлөгч У.Хүрэлсүхийн санаачилгаар хэрэгжиж буй “Хүнсний хангамж, аюулгүй байдал” үндэсний хөдөлгөөний хүрээнд байгуулагдсан монголын мэргэшсэн холбоодын нэгдэл “Хүнсний хувьсгал” ТББ БНСВУ-ын 300 гаруй гишүүн байгууллагатай “DAA” холбоотой хамтын ажиллагааны санамж бичиг байгууллаа.
БНСВУ нь хөдөө аж ахуйн салбар өндөр хөгжсөн, экспортын бүтээгдэхүүн үйлдвэрлэгч улс юм. Иймд хөдөө аж ахуйн үйлдвэрлэгчдээс нь туршлага судлах, хамтран ажиллах боломжийг эрэлхийлэн Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, “Хүнсний хувьсгал” ТББ-ын УЗ-ийн гишүүн Т.Мөнхтөр, “Хүнсний хувьсгал” ТББ-ын УЗ-ийн гишүүн Г.Энхбилэг нар тус улсын үйлдвэр, үйлчилгээний хэд хэдэн аж ахуйн нэгжтэй танилцахаас гадна хоёр улсын бизнес эрхлэгчдийн хамтын ажиллагааны эхний гарааг тавилаа.
