Монгол Улсын Ерөнхийлөгчийн санаачлан хэрэгжүүлж буй ‘’Хүнсний хангамж, аюулгүй байдал’’ үндэсний хөдөлгөөний хүрээнд арилжааны банкууд энэ онд Засгийн газрын хүүгийн татаастай нийт нэг их наяд төгрөг хүртэлх бага хүүтэй, урт хугацаатай санхүүжилтийг хүнс үйлдвэрлэгчид, баялаг бүтээгчид олгож байгаа.

Өнөөдөр Монгол Улсын Ерөнхийлөгчийн Эдийн засгийн бодлогын зөвлөх Б.Даваадалай, Үйлдвэр, үйлчилгээний бодлогын зөвлөх Ч.Даваабаяр, ЕТГ-ын Хүнсний төсөл, хөтөлбөрийн албаны дарга А.Амаржаргал, УИХ-ын Тамгын газрын Хяналт шалгалт, үнэлгээний газрын ахлах референт Д.Энхмаа нар зээл олголт, тулгамдаж буй асуудлаар банкуудын удирдлагуудтай уулзалт хийлээ.

11 сарын 13-ны байдлаар нийт зээл олголт 667.3 тэрбум төгрөг буюу 68% хувьтай байгаагийн Эргэлтийн хөрөнгийн зээл 324.8 тэрбум  (83.7%), Хөрөнгө оруулалтын зээл 342.5  тэрбум (57.7%) төгрөг олгогдоод байна. Зээл олголтын салбараар гаргавал:

• Хүнсний боловсруулах үйлдвэр 452.5 тэрбум төгрөг 436 үйлдвэрлэгч
• Газар тариалангийн үйлдвэрлэл 165.9 тэрбум төгрөг 1285 үйлдвэрлэгч
• Мал аж ахуйн үйлдвэрлэл 48.9 тэрбум төгрөг 130 үйлдвэрлэгчид гарсан байна.

Зээлийн хуваарилалтыг жигд, хүртээмжтэй байлгаж мал аж ахуйн салбарт олгох зээлийн хэмжээг нэмэгдүүлэх, зээл олголттой холбоотой соён гэгээрүүлэх ажлыг орон нутагт эрчимжүүлэх саналыг Хүнс, хөдөө аж ахуй хөнгөн үйлдвэрийн яам, арилжааны банкуудад өглөө.