Монгол Улсын Шадар сайдын ивээл дор “Эрсдэл ба Стандарт” үндэсний чуулган 2023 оны 11 дүгээр сарын 20-22-ны өдрүүдэд Төрийн ордны Их танхимд зохион байгуулагдав. Тус чуулганд Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр “Хүнсний хангамж, аюулгүй байдал” үндэсний хөдөлгөөний талаар танилцуулж, илтгэл тавив.

Тэрбээр танилцуулгадаа “Ерөнхийлөгч У.Хүрэлсүх хүнсний хангамж, аюулгүй байдлын асуудлыг тусгайлан хэлэлцэхийг Улсын Их Хурал, Засгийн газарт анхааруулснаар УИХ-ын 2022 оны 36 дугаар тогтоол, УИХ-ын Түр хорооны 2023 оны 02 дугаар тогтоол, Засгийн газрын 2023 оны 63 дугаар тогтоолууд гарсан. Дээрх тогтоолуудын хүрээнд УИХ-ын 4 байнгын хороо, төрийн 35 байгууллага, нийслэлийн болон орон нутгийн хэвлэл мэдээллийн байгууллагууд, олон улсын байгууллагууд, 36-р тогтоолын хэрэгжилтэд хяналт-шинжилгээ дүгнэлт хийх ажлын хэсгүүд, салбарын эрдэмтэн судлаачдын зөвлөл, Хүнс, хөдөө аж ахуйн салбарын холбоодоос бүрдсэн “Хүнсний хувьсгал” төрийн бус байгууллага, зээл санхүүжилтийн асуудлыг шийдвэрлэх системийн банкууд зэрэг төр хувийн хэвшил хамтран ажиллаж байна” хэмээн дурдлаа.

Танилцуулга бүрэн эхээрээ