Монгол Улсын Ерөнхийлөгч У.Хүрэлсүх “монгол хүн эрүүл байвал монгол үндэстэн хүчирхэг байна. Монгол улсын үндэсний аюулгүй байдлын нэг суурь баталгаа бол хүн ардын хүнсний хангамж, аюулгүй байдал” гэж үзэн “Хүнсний хангамж, аюулгүй байдал” үндэсний хөдөлгөөнийг санаачлан эхлүүлсэн.

Энэхүү хөдөлгөөний хүрээнд төр, хувийн хэвшил хамтран ажилласнаар хүнсний гол нэрийн бүтээгдэхүүний үйлдвэрлэл, дотоодын хангамж, экспорт нэмэгджээ. Иймд олсон ололт, амжилтаа дүгнэн, цаашдын зорилгоо хэлэлцэж, шилдгүүдээ тодруулах “Ургацын баяр-2023” ёслолыг зохион байгууллаа.

“Хүнсний хангамж, аюулгүй байдал” үндэсний хөдөлгөөний хүрээнд төрөөс авч хэрэгжүүлсэн арга хэмжээ, дэмжлэгийн дүнд энэ жил 175 мянган тонн төмс, 185 мянган тонн хүнсний ногоо хураан авч, төмсний хэрэгцээг 100, хүнсний ногооны 85 хувийг дотоодоос хангах боломж бүрджээ. Ингэснээр Монгол Улс түүхэндээ анх удаа хүнсний ногоо хураалтаараа түүхэн дээд амжилт тогтоожээ.

ХҮНСНИЙ ХУВЬСГАЛЫН ХҮРЭЭНД ГАЗАР ТАРИАЛАН, ХҮНСНИЙ САЛБАРЫН ШИЛДЭГ АЖ АХУЙН НЭГЖҮҮДЭД ШАГНАЛ ГАРДУУЛЛАА

“Ургацын баяр-2023” ёслолын хүрээнд “Хүнсний хангамж, аюулгүй байдлыг хангах талаар авах зарим арга хэмжээний тухай” 36 дугаар тогтоолыг хэрэгжүүлэх арга хэмжээний төлөвлөгөөнд тусгагдсаны дагуу Хүнсний аюулгүй байдлын шаардлага хангасан бүтээгдэхүүн үйлдвэрлэж, дотоодын хэрэгцээг хангахад үнэтэй хувь нэмэр оруулсан “Хүнс, хөдөө аж ахуйн салбарын шилдэг үйлдвэрлэгчид”-ийг алдаршууллаа.

Шилдэг 35 үйлдвэрлэгчдэд Монгол Улсын Ерөнхийлөгчийн нэрэмжит цом, Хүнс, хөдөө аж ахуй, хөнгөн үйлдвэрийн сайдын нэрэмжит өргөмжлөлийг гардуулсан юм.

ХҮНС, ХӨДӨӨ АЖ АХУЙН САЛБАРЫН НИЙСЛЭЛИЙН ШИЛДЭГ ҮЙЛДВЭРЛЭГЧИД

1. Траст трейд ХХК  Мах, махан бүтээгдэхүүн үйлдвэрлэл эрхлэгч
2. Очир дагинас ХХК Мах, махан бүтээгдэхүүн үйлдвэрлэл эрхлэгч
3. Талх чихэр ХК Круассан брэнд үйлдвэрлэгч
4. Үлэмж органик ХХК Сүү, сүүн бүтээгдэхүүн үйлдвэрлэл эрхлэгч
5. Сүү ХК Сүү, сүүн бүтээгдэхүүн үйлдвэрлэл эрхлэгч
6. Витафит ХК Монгол лууван бүтээгдэхүүн үйлдвэрлэгч
7. Грийн индастри ХХК Гоймонгийн үйлдвэрлэл эрхлэгч
8. Төгс ургац ХХК Хүлэмжийн аж ахуй эрхлэгч
9. Их булгийн тохой ХХК Ногооны аж ахуй эрхлэгч
10. Майнд тэч ХХК Ургамлын тос үйлдвэрлэл эрхлэгч
11. Баялаг тахиа ХХК Та хианы аж ахуй эрхлэгч
12. Гэгээ фүүдс ХХК Амьд эрдэс давс үйлдвэрлэл эрхлэгч

ХҮНС, ХӨДӨӨ АЖ АХУЙН САЛБАРЫН ОРОН НУТГИЙН ШИЛДЭГ ҮЙЛДВЭРЛЭГЧИД

1. Архангай Багарашаант ХХК Сүү, сүүн бүтээгдэхүүний үйлдвэрлэл эрхлэгч
2. Баян-Өлгий Азат ХХК Мал төхөөрөх, мах боловсруулах үйлдвэрлэл эрхлэгч
3. Баянхонгор Шалса рожа ХХК Сүү, сүүн бүтээгдэхүүн үйлдвэрлэл эрхлэгч
4. Булган Гурванборхууд ХХК Газар тариалан, хүнсний үйлдвэрлэл эрхлэгч
5. Говь-Алтай Энхтаян ХХК Сүү, сүүн бүтээгдэхүүний үйлдвэрлэл эрхлэгч
6. Говь-Сүмбэр Оорцог элгэн хоршоо Газар тариалан, хүнсний үйлдвэрлэл эрхлэгч
7. Дархан-Уул Дархан халдун ХХК Хүнсний үйлдвэрлэл эрхлэгч
8. Дорноговь Далд мөнгөн шанд ХХК Цай үйлдвэрлэл эрхлэгч
9. Дорнод Найнги хүнс ХХК Сүү, сүүн бүтээгдэхүүн үйлдвэрлэл эрхлэгч
10. Дундговь Говийн гэгээ ХХК Гурил, гурилан бүтээгдэхүүний үйлдвэрлэл эрхлэгч
11. Завхан Завхан баялаг ХК Хүнсний үйлдвэрлэл эрхлэгч
12. Орхон Эрдэнэт мах маркет ХХК Мах боловсруулах үйлдвэрлэл эрхлэгч
13. Өвөрхангай Итгэлт хүнс трейд ХХК Мал төхөөрөх, мах боловсруулах үйлдвэрлэл эрхлэгч
14. Өмнөговь Ганган тайж ХХК Гурил, гурилан бүтээгдэхүүн үйлдвэрлэл эрхлэгч
15. Увс Увс хүнс ХК Хүнсний үйлдвэрлэл эрхлэгч
16. Сүхбаатар Дарьт шүтээн ХХК Мах боловсруулах үйлдвэрлэл эрхлэгч
17. Сэлэнгэ Өгөөж мандал уул ХХК Газар тариалан эрхлэгч
18. Монгол бяслагны үйлдвэр Хонин нуга брэнд үйлдвэрлэгч
19. Төв Цээлийн хур ХХК Газар тариалан эрхлэгч
20. Жаврай үр ХХК Газар тариалан эрхлэгч
21. Ховд Хан алтайн инээмсэглэл ЗБН Сүү, сүүн бүтээгдэхүүн үйлдвэрлэл эрхлэгч
22. Хөвсгөл Аяны жолоо ХХК Хүнсний үйлдвэрлэл эрхлэгч
23. Хэнтий Метагро ХХК Мах, махан бүтээгдэхүүний үйлдвэрлэл эрхлэгч