Монгол Улсын Ерөнхийлөгч Ухнаагийн Хүрэлсүх Үндэсний эрх чөлөө, тусгаар тогтнолоо сэргээн мандуулсны 112 жилийн ойг тохиолдуулан зарлиг гаргаж, уул уурхайн бус экспортыг нэмэгдүүлэхэд оруулж буй гавьяа зүтгэлийг нь өндрөөр үнэлэн “Траст трейд” ХХК-ийн Гүйцэтгэх захирал Рэнцэндоржийн Сансармааг “Алтангадас” одонгоор шагналаа.
Монгол Улсын Ерөнхийлөгчийн санаачилсан “Хүнсний хувьсгал” үндэсний хөдөлгөөн, Засгийн газраас хэрэгжүүлж буй “Алсын хараа-2050” хөтөлбөрүүдэд уул уурхайн бус экспортыг нэмэгдүүлэх, эдийн засгаа солонгоруулах зорилтууд тусгагдсан байдаг.
“Траст групп” нь уг зорилтуудын хүрээнд олон улсын стандартыг нэвтрүүлсэн “ Мал төхөөрөх “ үйлдвэрээ ашиглалтад оруулж махны экспортыг нэмэгдүүлэхэд хувь нэмрээ оруулж буй үндэсний үйлдвэрлэгч юм.
Мал төхөөрөх үйлдвэр нь өдөрт 500 бод, 1000 бог мал төхөөрөх хүчин чадалтай ба 5000 тонн мах, махан бүтээгдэхүүн хадгалах хөргүүрийн зоорьтойгоос гадна олон улсын “Халал” стандартыг нэвтрүүлж БНТУ, БНСУ,БНХАУ-ын бүрэн автомат тоног төхөөрөмжүүдийг ашигдалаг. Үйлдвэр ашиглалт орсноор шинэ 250 ажлын байрыг бий болгожээ.
