Монголын анхны ногооны консервын үйлдвэрийг байгуулж өдгөө “Дэлхийн жишигт” хүрэх алсын хараа, тогтвортой хөгжлийг эрхэмлэгч “Газар шим үйлдвэр” ХК-ийн 25 ой тохиож байна. 25 жилийн ойн баяраа үе үеийн харилцагч, хамтрагч байгууллагуудтай тэмдэглэлээ. Баярын арга хэмжээнд Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр уригдан оролцож, Монгол Улсын Ерөнхийлөгчийн санаачилсан “Хүнсний хувьсгал”-ыг дэмжин, гар бие оролцож буй “Газар шим үйлдвэр” ХК-ийн хамт олонд баяр хүргэж, амжилт хүслээ.
2023 онд “Газар шим үйлдвэр” ХК нь хөрөнгийн бирж дээр IPO нээж нээлттэй хувьцаат компани болж засаглалаа сайжруулсан бол 25 жилийн босгон дээрээ компанидаа Рэбрэнд хийж шинэчилсэн өнгө төрхөө зах зээл дээр танилцуулж байна.
Ирээдүйн 25 жилд “Газар шим үйлдвэр” ХК нь ногоог хагас боловсруулж, шинээр нь хэрэглэгчдэдээ хүргэх чиглэл рүү зорин ажиллах зорилгыг тээж байгаа ба 2500 тн багтаамжтай орчин үеийн иж бүрэн зоорийг барьж байгаа юм. Мөн тун удахгүй хүүхдийн жимс ногооны нухаш, өргөн хэрэглээний кетчуп, майонез, чихэрлэг чили соус, паста соус зэрэг бүтээгдэхүүнүүд хэрэглэгч та бүхний гарт очиход бэлэн болжээ.
“Газар Шим Үйлдвэр” ХК-ийн 2024 оны эхний хагас жилийн цэвэр ашиг 5.0 тэрбум төгрөгт хүрлээ.
- МХБ-ийн I ангилалд бүртгэлтэй “Газар Шим Үйлдвэр” ХК-ийн ашигт ажиллагаа өнгөрсөн оны мөн үеэс 36.1 хувиар өсөн 5.0 тэрбум төгрөгт хүрээд байна.
- Борлуулалтын орлого 17.3 тэрбум төгрөгөөс 20.9 тэрбум төгрөгт хүрч 20.5 хувиар
- Нийт хөрөнгийн хэмжээ 56.5 тэрбум төгрөгт хүрч 32.8 хувиар тус тус өссөн үзүүлэлттэй байна.
- 2024 оны 7-р сарын 23 өдрийн хаалтын ханшийг үндэслэн P/E TTM харьцаа 7.0 байна.
Онцлох үйл явдал:
- Нөөшилсөн ногооны үйлдвэрлэл 25,3%, Артишок ундаа үйлдвэрлэл 41% тус тус өсгөсөн.
- Үйлдвэрлэлийн суурилагдсан хүчин чадлын ашиглалтын хувьд нөөшилсөн бүтээгдэхүүн үйлдвэрлэл өмнөх оныхоос 4.1%-иар өссөн бол Артишок ундаа үйлдвэрлэл 7%-иар буурсан байна.
- 2024 оны эхний хагаст борлуулалтын гүйцэтгэл хөдөө орон нутагт төлөвлөгөөтэйгээ харьцуулахад 107% байсан бол Улаанбаатар хотод 92%-ийн гүйцэтгэлтэй байна.
