Аймгийн хэмжээнд 1823 толгой мал хорогдсоныг төрлөөр авч үзвэл тэмээ 2, адуу 264, үхэр 305, хонь 485, ямаа 767 байна.

Өвөлжилт нэгдүгээр сарын туршид онцын хүндрэлгүй өнгөрсөн хэдий ч Алтай, Сагсай, Улаанхус суманд өвөлжилтийн нөхцөл байдал хүндэрч байгаа тул өвс тэжээлийн аюулгүйн нөөцөө задлах хүсэлтээ аймгийн ХХААГ-т ирүүлсээр байгаа юм.

Өвсний зарцуулалтын хувьд малчдын түвшинд бэлтгэсэн өвснөөс 24,735 тн зарцуулсан нь нийт бэлтгэсэн өвсний 35,8 хувьд хүрсэн бол гар тэжээл 4,153 тн буюу 51 хувьд, давс хужир 3068 тн зарцуулсан нь 52,8 хувьд хүрчээ.

Алтай, Бугат, Булган тэргүүтэй 9 сумын 414 өрхийн 99,052 толгой мал оторт өвөлжиж, аймгийн хэмжээнд 304,9 тн өвс бэлдсэн нь нийт бэлдэх ёстой өвсний 75 хувь байгаа бол 486,5 тн тэжээл бэлдсэн нь төлөвлөгөө бүрэн биелэлттэй, Бугат сум өвс, тэжээлийн нөөц бэлтгэх талаар хоцрогдолтой, Цэнгэл сумын хувьд мал хорогдлын тоогоо ирүүлээгүй байна гэж аймгийн ХХАА-н газрын дарга Б.Нургулан мэдээллээ.

Эх сурвалж: https://www.montsame.mn/mn/read/360996