Худалдаа, үйлдвэр, үйлчилгээний Эксим үндэсний нэгдсэн холбооноос “Монгол эв нэгдэл” төслийг 21 аймгийн хэмжээнд хэрэгжүүлж байна. Уг төслийн хүрээнд өнөөдөр Залуучууд театрын нэг давхарт Дархан-Уул аймгийн үндэсний үйлдвэрлэл болон жижиг дунд үйлдвэрлэл, үйлчилгээ эрхлэгчдийн бүтээгдэхүүний үзэсгэлэн болж байна.
Орон нутгийн онцлог бүтээгдэхүүнээ сурталчлан танилцуулах зорилготой үзэсгэлэн худалдааг аймгийн ХХААГ-аас зохион байгуулж байна.
Үзэсгэлэн худалдаанд зөвхөн Дархан-Уул аймагт үйлдвэрлэгддэг гурил, гурилан бүтээгдэхүүн, цагаан идээ, ургамлын гаралтай цай, гар урлал, хувцас урлал зэрэг бүтээгдэхүүнүүд дэлгэгджээ. Үзэсгэлэн оройн 20.00 цаг хүртэл үргэлжилнэ.
Эх сурвалж: Монцамэ агентлаг