Хүнсээ хэрхэн аюулгүй хадгалах вэ?
-Хоол, хүнсний зүйлд нян өсөж үржих хамгийн таатай орчин нь температурын аюултай бүс буюу +4 өөс +60 хэм байдаг. Иймээс хөргөгчинд хадгалах ёстой бүтээгдэхүүнийг худалдаж авснаасаа хойш нэг цагийн дотор хөргөгчинд хийх хэрэгтэй. Хэрвээ температурын аюултай орчинд дөрвөн цагаас илүү хадгалсан бол идэж болохгүй, шууд хаях хэрэгтэй.
-Илүү гарсан хоолоо жижиг савнуудад таслан хөргөгчинд хадгалах нь зүйтэй. Ингэснээр хоол түргэн хөрж, нян үржих боломж багасна. Хэрэв тасалгааны хэмд зуухан дээрээ дөрвөн цагаас илүү хугацаагаар байлгасан бол идэж болохгүй.
-Түүхий бүтээгдэхүүн, болсон бүтээгдэхүүнийг хөргөгчинд хийхдээ бохирдохоос сэргийлж, тусгаарлан, болсон бүтээгдэхүүнийг дээд, түүхийг нь доод тавиур дээр хадгалах нь зүйтэй. Мөн хөргөгчийг хэт дүүргэх нь ачааллыг ихэсгэж, хөргөх хэмийг багасгадаг гэдгийг анхаар.
Хуванцар савны тэмдэглэгээ
1. PETE, полиэтилентерифтолат – Хийжүүлсэн ундаа, рашаан, ус, жүүс, шар айраг, ургамлын тос, ам зайлан шингэн, самрын тос, майонез, гоо сайхны бүтээгдэхүүн, угаалгын шингэн савладаг. Эрүүл мэндэд хор хөнөөл бага тул нэг удаагийн зориулалтаар хэрэглэдэг. Температурын хэлбэлзэлд тэсвэртэй -20 хэмд хөлдөөх, +120 хэмд ариутгах.
2. HDPE, полиэтилен – Өндөр нягтрал бүхий полиэтилен. Сүү, тараг, жүүс, угаалгын нунтаг зэргийг савладаг. Зөвхөн нэг удаагийн зориулалтаар ашигладаг.
3. V поливинилхлорид – Винил эсвэл поливинил агуулсан хуванцар. Нунтаг бодис, саван, шампунь, шингэн саван, хуванцар тавилга, усны хоолой, сантехникийн хэрэгсэлүүд хийдэг. Халаах буюу шатаахад диоксин хэмээх хортой бодис үүсдэг.
4. LDPE, полиэтилен – нягтрал багатай хуванцар Нийлэг тор, нэг удаагийн хоолны сав, ахуйн хэрэглээний сав баглаа боодол, тавилга, хивс зэргийг үйлдвэрлэдэг. Дахин ашиглах боломжгүй.
5. PP, полипропилен – Тараг, жүүс зэрэг шингэн зүйлс, халуун хоол, ундаа хийх сав, элсэн чихрийн уут, эм, витамин, жигнэмэг, чипс, шоколад, чихэр, зайрмаг, цай, кофе, хөлдүү бүтээгдэхүүн, тос, нэг удаагийн тариур, савны таг, соусны сав хийхэд ашигладаг.
6. PS, полистирол – Хүнсний бус сав баглаа боодол хийдэг. Дахин ашиглах боломжгүй. Аюултай
7. OTHER, бусад тэмдэглэгээ – Зөвхөн химийн бодис хадгалах, зөөвөрлөх зориулалтаар ашигладаг бөгөөд энэхүү хуванцараас Бисфенол-А хэмээх хорт бодис ялгарах ба хүний биед хорт хавдар үүсгэх боломжтой гэж үздэг.
