Манай улс энэ оны эхний нэг сард импортоор 973.2 сая ам.долларын бараа, түүхий эд оруулсан байна.

Энэ нь 2024 оны мөн үеийнхээс 37.2 сая ам.доллараар буюу 4 хувиар нэмэгдсэнийг Гаалийн ерөнхий газар мэдээллээ.

Импортоор нийлүүлсэн барааны нийт дүнд машин механик тоног төхөөрөмж ба эд анги, цахилгаан хэрэгсэл, тэдгээрийн сэлбэг 207.5 сая ам.доллар буюу 21.3 хувь, эрдэс бүтээгдэхүүн 230.8 сая ам.доллар буюу 23.7 хувь (үүний дотор нефтийн бүтээгдэхүүн 206.5 сая ам.доллар буюу 89.5 хувь), мал амьтан, ургамлын гаралтай бүтээгдэхүүн, хүнсний зүйл 84.9 сая ам.доллар буюу 12.3 хувь, авто, агаарын тээврийн хэрэгсэл тэдгээрийн эд анги 250.3 сая ам.доллар буюу 25.7 хувь, үндсэн төмөрлөг, түүгээр хийсэн бүтээгдэхүүн 57.5 сая ам.доллар буюу 5.9 хувь, химийн болон түүнтэй холбоотой үйлдвэрийн бүтээгдэхүүн 35.9 сая ам. доллар буюу 3.7 хувийг эзэлж, эдгээр бүтээгдэхүүнд нийт дүнгийн 89.1 хувь ногджээ.

Эх сурвалж: Монцамэ агентлаг