Мал тооллогын урьдчилсан дүнгээр 2024 оны жилийн эцэст Төв аймгийн малын тоо 4 сая 152.5 мянган толгойд хүрч, өмнөх оныхоос 780.5 мянган толгой буюу 15.8 хувиар буурчээ.
Харин 2024 онд малын тоо 2 төрөл дээр өмнөх оноос өссөн байна. Тухайлбал, адуу 8.6 мянган толгой буюу 2.0 хувиар, үхэр 2.0 мянган толгой буюу 0.6 хувиар тус бүр өсжээ.
Түүнчлэн тэмээ 222 толгой буюу 5.7 хувиар, хонь 570.4 мянган толгой буюу 27.5 хувиар, ямаа 220.5 мянган толгой буюу 17.2 хувиар тус бүр буурлаа.
Аймгийн хэмжээнд 5 сумын малын тоо өмнөх оноос 8078-943 толгойгоор буюу 5.5-0.8 хувиар тус бүр өсөж, харин 23 сумын мал тоо өмнөх оноос 109078-249 толгойгоор буюу 42.0-0.6 хувиар тус бүр буурлаа. Архуст, Дэлгэрхаан сумын мал 5 төрөл дээр өссөн байна.
Улсад эрэмбээрээ гутгаар байрыг эзэлсэн юм. Тухайлбал, адуу, хонин сүргээрээ 3-т, үхэр сүргээрээ 5-т, ямаан сүргээрээ 7 дугаар байрт, тэмээн сүргээрээ 13 дугаарт тус тус эрэмбэлэгджээ.
Эх сурвалж: Монцамэ агентлаг