НҮБ-ын Хүүхдийн Сан, Эрүүл мэндийн яам, Нийгмийн Эрүүл Мэндийн Үндэсний Төвтэй хамтран Монгол Улсын Хүн Амын Хоол Тэжээлийн Үндэсний зургаа дахь судалгааг нийтэлжээ.

Та мэдэх үү?

• Монголд эмэгтэйчүүд, сургуулийн насны хүүхдүүдийн 90 хувьд нь Д аминдэм дутмаг байна
• Насанд хүрсэн хүн амын талаас илүү хувь, сургуулийн насны хүүхдийн 20 хувь нь илүүдэл жинтэй байна
• Бага насны хүүхдүүдийн 42.2% нь чихэр, шоколад, шарсан төмс гэх мэт эрүүл бус хоол хүнс байнга хэрэглэдэг бол 36.7% нь чихэрлэг ундаа хэрэглэж байна
• Жирэмсэн эмэгтэйчүүдийн 40% нь төмрийн дутагдалтай байна.

Судалгааны зорилгын хүрээнд дараах зорилтыг хэрэгжүүлэв.

• Тав хүртэлх насны хүүхэдтэй өрхийн усан хангамж, ариун цэвэр, аж байдлын түвшин, хүнсний баталгаат бус байдал, хоол тэжээлийн хомсдолын тархалт, иоджуулсан давсны хэрэглээг үнэлэх,
• Тав хүртэлх насны хүүхдийн хооллолт, хоол тэжээлийн байдлыг судлан, хоол тэжээлээс хамааралт эмгэгийн тархалтыг өрхийн шинж байдал, эхийн хоол тэжээлийн байдалтай холбон судлах,
• ЕБС-ийн 6-18 насны хүүхдийн хоол тэжээлийн байдлыг судлан, хоол тэжээлээс хамааралт зарим эмгэгийн тархалтын түвшинг тогтоож, тэдний хоол тэжээлийн
  талаарх мэдлэг, хандлага, дадал, “Үдийн хоол”-ны талаарх сэтгэл ханамжийн байдлыг үнэлэх,
• Жирэмсэн эмэгтэйчүүдийн хооллолт, хоол тэжээлийн байдлыг судлан хоол тэжээлээс хамааралт эмгэгийн тархалтын түвшин, бичил тэжээлийн бэлдмэлийн
  хэрэглээг үнэлэх,
• Төрөх насны эмэгтэйчүүдийн хооллолтын дадал, хүүхдийн хооллолтын талаарх мэдлэг, бичил тэжээлийн бэлдмэлийн хэрэглээг үнэлж, хоол тэжээлээс
  хамааралт эмгэгийн тархалтыг судлах,
• Тав хүртэлх насны хүүхэдтэй өрхийн 15-49 насны эрэгтэйчүүдийн хооллолт, хоол тэжээлийн байдлыг үнэлж, хоол тэжээлээс хамааралт эмгэгийн тархалтыг
  судлах

Эх сурвалж: UNICEF Mongolia