Евразийн эдийн засгийн холбоо (ЕАЭХ) нь 2015 оны 1-р сарын 1-нд албан ёсоор байгуулагдсан бөгөөд эдийн засгийн хамтын ажиллагаа, чөлөөт худалдааны бүс байгуулахад чиглэсэн олон улсын байгууллага юм. Одоогоор дараах таван улс гишүүнээр оролцдог:
- Орос -146 сая
- Казахстан-20 сая
- Беларусь- 9.5 сая
- Армени- 3 сая
- Киргиз- 7 сая хүн амтай бөгөөд Евроазийн эдийн холбооны гишүүн орны хэрэглэгчийн зах зээл 200 орчим сая гэж үздэг.
Дээрх орнуудаас гадна Вьетнам, Иран, Хятад, Серби зэрэг улсууд ЕАЭЗХ-той чөлөөт худалдааны гэрээ байгуулсан юм.
Уг Чөлөөт худалдааны түр хэлэлцээрт гурван жилийн хугацаатай нэгдэхийг Монгол Улсын Засгийн газрын 2023.09.26-ны 39-р тэмдэглэлд тусгасан байдаг.
Чөлөөт худалдааны түр хэлэлцээрийн гол зорилго нь Монгол Улсын экспортын зах зээлийг тэлэх, төрөлжүүлэх зорилготой. Евразийн эдийн засгийн холбоо чөлөөт худалдааны түр хэлэлцээрийн хүрээнд хоёр талаас 375 нэр төрлийн бараа бүтээгдэхүүнийг харилцан татваргүй экспортлох тухай асуудал юм.
Монгол Улсын Тэргүүн Шадар сайд бөгөөд Эдийн засаг хөгжлийн сайдын 2025 оны А/02 тушаалаар Чөлөөт худалдааны түр хэлэлцээр байгуулах Ажлын хэсгийг шинэчлэн байгууллаа.
Ажлын хэсэг- ЭЗХЯ
- Ажлын хэсгийн дарга: ЭЗХЯ-ны Төрийн нарийн бичгийн дарга И.Батхүү
- Ажлын хэсгийн гишүүд: 17 гишүүн /яамдын газрын дарга нарын түвшинд/
Дэд ажлын хэсэг: ХХААХҮЯ
- Ажлын хэсгийн дарга: ХХААХҮЯ-ны Төрийн нарийн бичгийн дарга Т.Жамбалцэрэн
- Ажлын хэсгийн гишүүд: 25 гишүүн /мэргэжлийн холбоод, ААН, яамдын албан хаагчид/