Өдөр тутмын хүнсэндээ хиам, зайдас, утсан загас, давсалсан самар, нөөшилсөн самар зэрэг бүтээгдэхүүн хэрэглэхээс зайлсхийх хэрэгтэй аж. Учир нь бидний хоногт хэрэглэж буй давсны 80 орчим хувь нь үйлдвэрийн аргаар боловсруулсан хүнсний бүтээгдэхүүнд “далд” агуулагдаж байдаг.
Давс их хэрэглэх нь:
-Цусны даралт ихсэх
-Тархинд цус харвах
-Зүрх судасны өвчин
-Яс сийрэгжих өвчин эмгэг үүсгэх эрсдэлтэй.
Тиймээс давсны хэрэглээг бууруулахдаа дараах аргуудыг хэрэглэж болох юм.
- Цайгаа давсгүй ууж сурах/буцалсан ус, жимсний жүүс түлхүү хэрэглэх/
- Дуртай хоолныхоо давсыг аажмаар багасгах
- Хоолоо цагаан гаа, яншуй, сонгино, сармис, чинжүү, нимбэг зэрэг давс орлуулагчаар амтлах
- Давс болон давсалсан сүмсийг ширээн дээрээ тавихгүй байж, давс нэмж хэрэглэхгүй байх дадалд сурах
- Хүнсний бүтээгдэхүүний шошгыг сайтар уншиж давс багатайг сонгох
Эдгээрийг дагаж мөрдсөнөөр давсны хэрэглээг багасгаж, дээрх эмгэгээс сэргийлж чадна.
