Үндэсний үйлдвэрлэл хатавчинд сууж, импортын бизнес хойморт заларсан яг тэр үед үндэсний үйлдвэрлэгчдийг “БАЯЛАГ БҮТЭЭГЧ” хэмээн алдаршуулсан эрхэм бол Ч.Даваабаяр. Олон нийтийн сайн мэддэгээр бол Баялаг бүтээгчдийн холбооны Ч.Даваабаяр. Хэн хүний олж хараагүйг олоод харчихдаг түүнийг “ШИНИЙГ САНААЧЛАГЧ” гээд цоллочиход гэмгүй. Баялаг бүтээгчдийг олон талаар дэмжихээр зүтгэсэн түүний шаргуу хэрнээ хичээнгүй, тууштай хөдөлмөрийн үр нөлөөгөөр өнөөдөр үндэсний үйлдвэрлэл сэргэх эхлэл тавигдаж, дотоодын үйлдвэрлэлээ дэмжих иргэдийн сэтгэхүй нэмэгдсэн юм.
Тэрбээр үндэсний үйлдвэрлэгчид, баялаг бүтээгчдийн бараа бүтээгдэхүүнийг олон нийтэд сурталчлан таниулах, үндэсний хэмжээний томоохон төслийн эхлэлийг тавьсан нь “Баялаг бүтээгчдийг дэмжинэ” медиа төсөл байлаа. Одооноос 10-аад жилийн өмнө буюу 2014 онд энэ төсөл эхэлж, нийтээрээ ойшоодоггүй байсан үндэсний үйлдвэрлэгчдийг “БАЯЛАГ БҮТЭЭГЧ” хэмээн алдаршуулав. Өдгөө энэ үг “брэнд” болтлоо бидний чихэнд хоногшжээ.
Хоногшихоос ч аргагүй. Учир юу гэвээс “Баялаг бүтээгчдийг дэмжинэ” төсөл үргэлжилсэн гурван жилийн хугацаанд тэрбээр Монгол орныг хоёр бүтэн тойрч, нийт 32 мянган км замыг туулж, 2000 гаруй үйлдвэрлэгчдийг улс орон даяар таниулсан байдаг. Ингэхдээ нийслэлийн есөн дүүрэг, 21 аймаг, 330 суманд тархан баялаг бүтээж буй үйлдвэрлэл эрхлэгчидтэй уулзан тэдэнд тулгамдаж буй асуудал бэрхшээлийг сонсч, улмаар нийгэмд тэдний дуу хоолойг хүргэж эхэлсэн юм. Тэр бүр дуугардаггүй, дуугарсан ч төрд хүрдэггүй байсан үйлдвэрлэгчдийн дуу хоолой энэ үеэс нийтэд нөлөөлөх болов. Улмаар жижиг дунд үйлдвэрлэлийг дэмжих зээл жинхэнэ эзэддээ хүрч, нийтэд танигдаж амжаагүй шинэхэн үйлдвэрүүдийн борлуулалт нүдэн дээр нэмэгдэж байсан юм. Энэ бол үндэсний үйлдвэрлэгчдийг босгож ирэхэд хэвлэл, мэдээллийн хэрэгслийн хүчийг ашигласан маш оновчтой бодлого байлаа.
Хэн нэгэн улс төрч, сайд дарга, төрийн байгууллагын хийгээгүй, хийхийг ч хүсээгүй ажлыг Ч.ДАВААБАЯР хэнээр ч хэлүүлэлтгүй санаачилж, эхлүүлж, хийж, үр дүнд хүргэж чадсан юм.
ТЭР БОЛ БАЯЛАГ БҮТЭЭГЧДИЙН ТУУЛСАН СААД БЭРХШЭЭЛ, АЛДАА ОНООНЫ ГЭРЧ…
Үндэсний үйлдвэрлэлийг ноолууран цамц, эсгий таавчиг, оймс, сувенир зэргээр төсөөлдөг байсан монголчуудын нүд нээгдэж, хэний ч төсөөлөөгүй үндэсний үйлдвэрлэл 21 аймагт явагдаж байлаа.
Нэгэн үйлдвэрлэгч хэлэхдээ “БАЯЛАГ БҮТЭЭГЧ ГЭДЭГ НЭРИЙН ЦААНА ЭХ ОРОНЧ ҮНЭР, ҮНДСЭРХЭГ ҮЗЭЛ БАЙДАГ…” гэжээ.
Тэгвэл түүний эхлүүлсэн ажил яг л ийм сэтгэхүйг нийтэд бий болгож, эерэгээр нөлөөлөв…
ТЭР БОЛ ОЛОН НИЙТЭД ЭЕРЭГЭЭР НӨЛӨӨЛСӨН, БАЯЛАГ БҮТЭЭГЧДИЙГ ТӨЛӨӨЛӨГЧ…
2015 онд нийгмийн захиалга, баялаг бүтээгчдийн хүсэлтээр салбар салбарын үйлдвэрлэгчдийг эгнээндээ нэгтгэсэн ашгийн төлөө бус, анхны солонгорсон “Баялаг Бүтээгчдийг Дэмжих Холбоо” ТББ-ыг үүсгэн байгуулав. Өрхийн үйлдвэрлэгчээс эхлээд үндэсний томоохон компанийн төлөөлөл ч энэ холбоонд багтана. Өдгөө тус холбоо үйлдвэрлэгчдийн дуу хоолойг төрд хүргэгч гүүр, тулгамдсан асуудлыг шийдвэрлэхийн төлөө тэмцэгч, баялаг бүтээгчдийг сурталчлан таниулагчийн үүргийг гүйцэтгэсээр байна.
ТЭР БОЛ БАЯЛАГ БҮТЭЭГЧДИЙГ ТӨРД ТӨЛӨӨЛӨГЧ…
2020 он цар тахлаас үүдэлтэй эдийн засгийн хүндрэлийг даван туулахад үндэсний үйлдвэрлэгчдийн үйл ажиллагааг төрийн бодлогоор дэмжих нь чухал байв. Тиймээс Монгол Улсын Төрийн тэргүүнд зөвлөж, өдгөө “Хүнсний хувьсгал” үндэсний хөдөлгөөнийг хариуцан ажиллаж байна.
Сүүлийн 30 жил үйлвэрлэлийн оновчтой бодлогогүй явсаар Монгол Улс хэрэглэгч, худалдан авагч орон гэдэг хаягтайгаар өдийг хүрчээ. Буруу замаар гүйж яваа хүн хэзээ ч зөв замаар алхаж яваа хүнээс түрүүлж оргилд гардаггүй гэдэг. Тэгвэл яг тэр зарчмаар өнөөдрийг хүртэл Баялаг бүтээгчдийг дэмжих холбооны Ерөнхийлөгч Ч.Даваабаяр зөв замаар шаргуу хэрнээ хичээнгүй, тууштай хөдөлмөрлөсөөр энд иржээ.
Төрийн бодлогыг оновчилж, үндэсний үйлдвэрлэгчдийг зөв чиглүүлж, эх оронч хэрэглээг нэмэгдүүлэхэд түүний оруулсан хувь нэмэр их буй за
